ափին գտնվելու մասին գրում է նաև Հովհաննես Տեր-Մարտիրոսյանը ( Ա-Դո ). « Շիրվանի գաւառը ... ոռոգւում է Արևելեան Տիգրիսի ջրով » 9 :
Ամենայն հավանականությամբ , Գնձիկը պետք է փնտրել կամ Աղձնիքի Աղձն գավառում կամ Մոկքի Իշայր գավառում ՝ Արևելյան Տիգրիսից հյուսիս ընկած հատվածներում :
Ցավոք , Գնձիկ գյուղի մասին որևէ լրացուցիչ տեղեկություն XIX դարի ուղեգրություններում 10 չհաջողվեց գտնել :
Պատմելով գյուղի մասին ( նշենք , որ 600 բնակչից կենդանի են մնում ընդամենը 20 մարդ ՝ 6 տղամարդ և 12 կին և երեխա )՝ Բերխո Ազոյանը մասնավորապես նշում է .
« Եկեղեցւոյ մէջ կային ձեռագիր Աւետարաններ , նաև հին ձեռագիր կոնդակ մը , որու վրայ նկարուած էր Ս . Կոյս Մարիամի պատկերը , զօր անգլիական հիւպատոս մը մի քանի տարի առաջ տարաւ : Եկեղեցւոյ մօտ , գերեզմանատան մէջ երկու արշին երկայնութեամբ և չորս թիզ լայնութեամբ քար մը կայ , որու երկու երեսներուն վրայ բևեռագիր արձանագրութիւններ կան ... Պիթլիսի անգլիական հիւպատոսը 200 օսմ . լիրայի գնահատած է այդ քարը , բայց գիւղի քահանան` [ Տէր ] Գորգիզը , չէ համաձայնած տալու » 11 :
Մեկ թուրքական արշինը ( arşın ( zira )) մոտ 75 սմ 12 էր կազմում , մեկ թուրքական թիզը կամ թզաչափը ՝ 23 սմ 13 , հետևաբար , խոսքը գնում
9
Ա-Դո ( Տեր-Մարտիրոսյան Հովհաննես ), Վանի , Բիթլիսի և Էրզրումի վիլայէթները , Երևան , 1912 , էջ 153 :
10
Միրախորեան Մանուէլ , Նկարագրական ուղեւորութիւն ի հայաբնակ գաւառս Արեւելեան Տաճկաստանի : Սարգիսեան Ներսիս , Տեղագրութիւնք ի Փոքր եւ ի Մեծ Հայս , Վենետիկ , 1864 : Ա-Դո ( Տեր-Մարտիրոսյան Հովհաննես ), Վանի , Բիթլիսի և Էրզրումի վիլայէթները , Երևան , 1912 : Lynch H . F . B , Armenia , Travels and studies , vol . I , II , London , 1901 և այլն :
11
Հայոց ցեղասպանությունը oսմանյան Թուրքիայում : Վերապրածների վկայություններ : Փաստաթղթերի ժողովածու : Հատոր Բ « Բիթլիսի նահանգ », Երևան , 2012 , վկայություն № 76 , էջ 117-118 :
12
Տարբեր երկրներում արշինի չափը տարբեր է եղել ՝ տատանվելով 65,2 – 112 սմ սահմաններում ։: Ռուսական արշինը կազմում էր 71 սմ , թուրքականը ՝ մոտ 75 սմ : Տե ՛ ս Հայկական Սովետական Հանրագիտարան , հ . II , էջ 119 :
13
Թզաչափը կամ թիզը հավասար է 0,233 մետրի , տե ՛ ս « Օտար աղբյուրները Հայաստանի և հայերի մասին », Թուրքական աղբյուրներ մաս Գ , Էվլիյա Չելեբի ( թարգմանություն , առաջաբան և ծանոթագրություններ Ա . Խ . Սաֆրաստյանի ), էջ 317 :
210