MIDDLE EAST HISTORY POLITICS CULTURE XI-XII Middle East | Page 20
կանիշներ։ Այդ գաղափարը հիմնականներից մեկն էր, որը նրան դրդեց
նախաձեռնել Սուդանի գրավումը 1820-1822 թթ.։ Այդ նվաճումից հետո
մոտ 30 հազար սուդանցի տեղափոխվեցին Ասուան և այնտեղ անցան
զինվորական ուսուցում օտարազգի հրահանգիչների ղեկավարու-
թյամբ 19 ։
Ասուանում սուդանցիներից կազմվեցին 3 հետևակային բրիգադ-
ներ և ուղարկվեցին Մորեա մասնակցելու ռազմական գործողություն-
ներին։ Մուհամմադ Ալին այդ ռազմարշավի ընթացքում եգիպտական
բանակի գլուխ նշանակեց իր որդի Իբրահիմ փաշային, իսկ նրա օգ-
նականը դարձավ գնդապետ Սևը 20 ։
Մուհամմադ Ալիի հույսերը, սուդանցիների հետ կապված, չար-
դարացան։ Խիզախ, ճշտակատար և ընկալունակ լինելով հանդերձ՝
նրանք չկարողացան հարմարվել ծառայությանը Նեղոսի դելտայի,
առավել ևս Արաբիայի և հատկապես՝ Հունաստանի կլիմայական պայ-
մաններին, որտեղ նրանց ուղարկեցին 1824-1828 թթ․ռազմարշավի
ժամանակ։ Սուդանցիների վախճանը ցրտահարությունից և տիֆի
համաճարակից կործանարար ազդեցություն ունեցավ եգիպտական
բանակի մարտունակության վրա, և սուդանցիների զանգվածային հա-
վաքագրումը զինվորական ծառայության համար դադարեցվեց 21 ։
Ստամբուլը Մուհամմադ Ալիի ռազմական ուժի հզորացումից
վախենալով, դադարեցրեց զինվորական համալրումներ ուղարկել
Արաբիա, իսկ այնուհետև՝ Հունաստանում պատերազմող եգիպտական
բանակ: Սուդանը ևս չտվեց անհրաժեշտ քանակությամբ ուժեղ զինվոր-
ներ, ինչի արդյունքում եգիպտական կառավարչի առաջնահերթ խնդի-
րը դարձավ բանակի նոր հայեցակարգի մշակումը, որը պետք է
կազմվեր եգիպտացիներից։ Եվրոպացի ռազմական մասնագետները,
ովքեր հաջողությամբ իրականացրեցին մամլուքներից եգիպտական
բանակի սպայական կորիզի նախապատրաստումը, ստեղծեցին սու-
դանցիներից կազմված զորամասեր, Մուհամմադ Ալիին առաջարկեցին
եգիպտացի գյուղացիներից կազմված եգիպտական բանակի համա-
լրման նոր մոտեցում, ովքեր պետք է ծառայության անցնեին զինվորա-
կան զորակոչի միջոցով։ Աշխարհի շատ երկրներում սովորական այդ
գաղափարը անսպասելի էր Եգիպտոսի համար, որտեղ ֆելլահները
Marsot A. L. al-S., նշվ. աշխ., էջ 126-127:
Նշվ. աշխ., էջ 127-128:
21 شلبي محمد علي, նշվ. աշխ., էջ 18:
20
19
20