MIDDLE EAST HISTORY POLITICS CULTURE XI-XII Middle East | Page 185

վիճակագրական տվյալների` կանանց ներգրավածությունն ազգային
խորհրդարաններում 6%-ից պակաս է:
ՄԱԿ-ի մարդկության առաջընթացին վերաբերող զեկույցում
վերջին մի քանի տարիներին շեշտվում է Արաբական աշխարհում
կանանց քաղաքական, տնտեսական և հասարակական դիրքերի հզո-
րացման անհրաժեշտությունը: Այդ ճնշումների հետևանքով 2005 թ.
հիշյալ երկրներում կանանց քաղաքական մասնակցության մեջ
նկատելի տեղաշարժեր են կատարվել:
Պետական և քաղաքական ոլորտներ կանանց ավելի լայն
ներգրավումը, ինչին հետամուտ են ՊԾԱԵՀԽ երկրները, կմեծացնի
կանանց դերակատարությունը երկրների ներքին և արտաքին քաղա-
քականության ռազմավարության մշակման և իրականացման գործում,
ինչն, անկասկած, կարևոր նշանակություն կունենա միջազգային
ասպարեզում այդ երկրների հեղինակության բարձրացման համար:
Հատկանշական է, որ ՊԾԱԵՀԽ 1999 թ. հիմնադրված խորհրդակցական
խորհրդի 40 անդամներից 5-ը կին է:
Պետական, քաղաքական և հասարակական ոլորտներ կանանց
ներգրավման առումով էական հաջողությունների է հասել ԱՄԷ-ն, ին-
չին մեծ չափով նպաստել են երկրի տնտեսական լայն հնարավորու-
թյունները, կանանց կրթելու, նրանց իրավունքներն ընդլայնելու և
նրանց դիրքերն ամրապնդելու ուղղությամբ պետության ջանքերը: Այս
բնագավառում էական ձեռքբերումներ ունի նաև Քուվեյթը, որտեղ
կանայք պատասխանատու գործունեություն են իրականացնում որպես
նախարար, փոխնախարար, դեսպան, քաղաքական խորհրդատու և
այլն: Կանանց իրավունքների ընդլայնման և նրանց ազատությունների
տրամադրման ասպարեզում Քաթարի ամենակարևոր ձեռքբերումը,
թերևս, 1999 թ. նորընտիր էմիրի հրամանով կանանց ընտրրելու
իրավունքի շնորհումն էր: Սաուդյան Արաբիայում ևս էական քայլեր
կատարվեցին կանանց իրավունքների ապահովման ասպարեզում,
ինչի լավագույն արտահայտությունը 2000 թ. արքայադուստր ալ Ջու-
հարա Ֆահդ իբն Մուհամմադի նշանակումն էր կրթության փոխնախա-
րարի պաշտոնում 8 : 2000 թ. Բահրեյնի էմիրը խորհրդարանական 40
տեղերից 6-ը տրամադրեց կանանց, իսկ 2006 թ. նրանց թիվն ավելացավ
ևս 10-ով: Սկսած 1991 թ. Օմանում կանանց ընտրություններին մաս-
նակցելու իրավունք շնորհվեց: Այժմ կանայք զբաղեցնում են խորհրդա-
8
UNDP-POGAR: Programme on Governance in the Arab Region, Աղյուսակ 5:
185