( 1960թ . ` 1000-ից 164 ) 6 : Ծնելիության նվազման մյուս պատճառն այն է , որ այդ երկրներում աղջիկների ամուսնության տարիքը բարձրացել է , ինչն արտահայտվում է ուսումնական հաստատություններում սովորող աղջիկների ավելի մեծ թվով :
Կանանց արդի վիճակը ՊԾԱԵՀԽ երկրներում
ՊԾԱԵԽ երկրներում կանանց աշխատուժի օգտագործումը սկսվել է բավականին ցածր ցուցանիշներից , սակայն 1960-ական թթ . մինչև 2000-ական թթ . սկիզբը աճել է 50 % -ով: Աճի այս տեմպերը , զարգացող այլ երկրների հետ համեմատած , բավականին արագացված են եղել 7 : Այսուհանդերձ , դեռևս առկա են տնտեսության մեջ կանանց ներգրավման ընդլայնումը խոչընդոտող մի շարք գործոններ` աշխատանք որոնելու համար ընտանիքի թույլտվության անհրաժեշտությունը , կանանց պասիվությունը , ինչպես նաև աշխատատեղերի բաշխման կենտրոնների սուբյեկտիվ վերաբերմունքը կանանց աշխատանքով ապահովելու հարցում :
Ուսումնասիրությունները ցույց են տալիս , որ հատկապես վերջին տասնամյակներում ՊԾԱԵՀԽ երկրների ներքին կյանքի տարբեր ոլորտներում կանանց մասնակցությունն աննախադեպ չափերով ընդլայնվել է , ինչը , կարծում ենք , անմիջապես կապված է այդ երկրների զարգացման գործընթացի էվոլյուցիայի , տարբեր բնագավառներում իրականացվող բարենորոգումների և , այդ համատեքստում կանանց իրավունքների պաշտպանության , նրանց նկատմամբ խտրականության , տարբեր խոչընդոտների ու սահմանափակումների վերացման հետ :
Ինչ վերաբերում է քաղաքական մասնակցությանը , որոշ ժամանակ առաջ այս երկրների սահմանադրություններով կանանց համար նախատեսված չէր նույնիսկ քաղաքացիական նվազագույն իրավունքը` մասնակցությունը ընտրություններին , և մինչ այժմ էլ այդ երկրներից շատերում կանայք զրկված են այդ իրավունքից : Կանայք բավարար չափով ներկայացված չեն քաղաքական և հասարակական բնագավառներում որոշումների կայացման բոլոր մակարդակներում : Ըստ
6
N . Chamlou , Gender and development in the Middle East and North Africa : Women in the public sphere ( Orientation in Development ), Washington D . C ., 2004 , p . 45
7
Same , p . 49 184