MIDDLE EAST HISTORY POLITICS CULTURE XI-XII Middle East | Page 183
ձեռք բերելու, իրենց հոգևոր պահանջները բավարարելու և, այդպիսով,
նաև կուտակված բարդույթներից ազատագրվելու և ինքնահաստատ-
վելու տարրական հնարավորությունից, այս երկրների կանայք փորձել
և փորձում են առավելագույն չափով օգտվել իրենց համար մատչելի
դարձած այդ բարիքից և զանգվածաբար մուտք են գործում բարձրա-
գույն ուսումնական հաստատություններ:
Արձանագրելով ՊԾԱԵՀԽ երկրներում կանանց կրթական մա-
կարդակի բարձրացման ուղղությամբ իրականացվող քաղաքականու-
թյան արդյունքները, միաժամանակ հարկ է նշել, որ դրանք դեռևս
բավարար չեն: Հիմնական պատճառը, թերևս, այն է, որ այդ երկրների
հասարակական և մշակութային կյանքում (չնայած օրենքով ամրա-
գրված տղամարդկանց և կանանց իրավահավասարությանը) մինչ այժմ
առկա են սեռային խտրականության տարրեր, որոնց հաղթահարման
հարցն այդ երկրներում այսօր էլ շարունակում է մնալ լուրջ հիմ-
նախնդիր:
Տարբեր մասնագիտությունների գծով բարձրագույն կրթություն
ստացած կանանց զգալի մասին չի հաջողվում իր գիտելիքներին հա-
մապատասխան աշխատանք գտնել: Եվ, վերջապես, այդ երկրներում
կանայք հազվադեպ են նշանակվում բարձր պաշտոնների:
ՊԾԱԵՀԽ երկրների զարգացման գործընթացը, բնականաբար,
դրական փոփոխություններ մտցրեց նաև այդ երկրների առողջապա-
հության համակարգում, ինչը մեծ չափով նպաստեց ազգաբնակչության
և, մասնավորաբար, կանանց առողջական վիճակի բարելավմանն ու
կյանքի տևողության երկարացմանը: Ըստ Համաշխարհային բանկի
հաշվարկների 5 , մեզ հետաքրքրող երկրներում կանանց միջին տարիքը
հասնում է 70-ի, ինչն ակնառու ձեռքբերում է: Վիճակագրական
տվյալները հաստատում են, որ այն շրջաններում, որտեղ առողջա-
պահական մակարդակը գտնվում է բավարար հիմքերի վրա, կանայք
մոտավորապես հինգ տարով տղամարդկանցից ավելի երկար են
ապրում:
Այդ երկրներում կյանքի որակի փոփոխությանը զուգընթաց աճել
է նաև կյանքի նկատմամբ հույսի և վստահության ցուցանիշը, ինչը
պայմանավորվում է նորածինների մահացության նվազմամբ: 2001թ.
նորածինների մահացության մոտավոր ցուցանիշը 1000-ից 44 էր
5
World Bank, Op.Cit., 17
183