MIDDLE EAST HISTORY POLITICS CULTURE XI-XII Middle East | Page 180
ման սկիզբը դրվեց հենց այդ ժամանակներից սկսած: Կնոջ դերի
բարձրացման ջատագովները ձգտում են ստեղծել առավել ընդգրկուն
մոդել, որն իր արժանի տեղը կգրավի ժողովրդավարական հիմքերի
վրա կառուցված կառավարման օղակներում: Օրեցօր ընդլայնվում է
տարածաշրջանի երկրների կանանց պայքարը մարդու իրավունքների
պահպանման, խտրականության վերացման և հասարակության մեջ
իրենց արժանի տեղը զբաղեցնելու, ինչպես նաև երկրների զարգացման
գործում իրենց ներուժը ներդնելու համար: Ակնհայտ է նաև միջազ-
գային ճնշումների և ֆեմինիստական շարժումների անմիջական ազդե-
ցությունը հետազոտվող տարածաշրջանի կանանց զբաղվածության և
ընդհանրապես կարգավիճակի վրա:
Այդ երկրների կանայք, որ երկու տասնամյակ առաջ ընդհան-
րապես իրավազուրկ էին, աստիճանաբար ներգրավվում են հասարա-
կական գործունեության մեջ և երբեմն մուտք են գործում մինչև վերջերս
տղամարդկանց մենաշնորհը համարվող բնագավառներ: Հատկանշա-
կան է, որ Բահրեյնի, Քուվեյթի, ԱՄԷ-ի, Օմանի և Քաթարի իշխա-
նությունները կանանց թույլ են տվել ծառայել ոստիկանական զորա-
մասերում:
Երկրներում կանանց խնդիրներին անդրադառնալիս ոչ միայն
անհրաժեշտ է հաշվի առնել այդ երկրների միջև առկա պատմամշա-
կութային, պետական-քաղաքական տարբերությունները, այլև՝ նրան-
ցից յուրաքանչյուրում կանանց ժողովրդագրական պատկերը, նրանց
հիմնական տվյալները (բնակության վայրը (քաղաք, գյուղ), կրթական
մակարդակը, տարիքը, ընտանեկան վիճակը և այլն), ինչը հաճախ
անտեսվում է:
Պետք է արձանագրել, որ ՊԾԱԵՀԽ երկրների բնակչության 48%-
ը 2 կազմող կանանց արդյունավետ աշխատուժը դեռևս բավարար
չափով չի օգտագործվում: Վերջին շրջանում, իրավամբ, երկրների
զարգացածության մակարդակի ցուցանիշ է համարվում նաև բարձր
պաշտոններում կանանց ներգրավվածության չափը: Խնդրին այս
սկզբունքով մոտենալու դեպքում հարկադրված ենք արձանագրել, որ
ՊԾԱԵՀԽ երկրների զարգացման գործընթացին կանանց դեռևս ոչ
լիարժեք մասնակցությունը, փաստորեն, երկրներին զրկում է տարբեր
Nourah Al Yousef, Status of Women in the Arab Gulf Countries, p. 5
[http://faculty.ksu.edu.sa/NourahAlyousef/Publications/Women%20in%20the%20Gul
f.pdf]
180
2