իր լծակներն ունի 4 , ըստ այդմ էլ նա առանձնացնում է պետությունների չորս տեսակ ՝ գերտերություններ , մեծ տերություններ , տարածաշրջանային պետություններ և փոքր պետություններ :
Դավութօղլուն առաջ է քաշում այն տեսակետը , որ քաղաքակրթական փոխակերպումների արդյունքում Թուրքիայի արտաքին քաղաքականությունը զրկվել է իր ռազմավարական խորքից , և անհրաժեշտ է գտնել ուղիներ այն վերականգնելու համար :
Ըստ նրա ՝ Թուրքիայի արտաքին քաղաղաքականության թերացումների հիմքում ընկած են երկրի ներքին քաղաքական մշակույթի և արտաքին քաղաքականության միջև գոյություն ունեցող հակասությունները 5 : Ինքնության ճգնաժամը , որը առկա է թուրքական հասարակության մեջ , առաջացրել է հոգեբանական բարդույթ , որի հետևանքով արտաքին քաղաքականություն իրականացնողները երկրի սահմաններից այն կողմ բազմավեկտոր քաղաքականություն վարելուն պատրաստ չեն , ինչն էլ դարձել է ստրատեգիական տեսության թերությունների հիմնական պատճառը 6 : Այսպիսով , Թուրքիայի նախկին վարչապետը արտաքին քաղաքականության հաջողությունը ուղղակիորեն կապում է սեփական քաղաքակրթությանը վերադառնալու և ինքնության ճգնաժամը հաղթահարելու հետ :
Դավութօղլուն , անդրադառնալով Թուրքիայի աշխարհագրական դիրքին , նշում է , որ համաշխարհային հարաբերությունների համակարգում ազդեցիկ դիրք ձեռք բերելու համար Թուրքիան պետք է գործի դնի իր աշխարհաքաղաքական դիրքը 7 : Ըստ նրա ՝ Թուրքիան միաժամանակ եվրոպական , ասիական , բալկանյան , կովկասյան , մերձավորարևելյան , միջերկրածովյան երկիր է և միշտ հադիսացել է արևելքն արևմուտքին կապող « կամուրջ » 8 : Հետագայում ավելի զարգացնելով Թուրքիայի ՝ կամուրջ հանդիսանալու գաղափարը ՝ Դավութօղլուն մերժում է այդ տեսությունը ՝ փոխարինելով այն « կենտրոնական երկրի » գաղափարով , այսինքն Թուրքիան պետք է լիներ ոչ թե
4
Davutoğlu A ., « Stratejik Derinlik : Türkiye ' nin Uluslararası Konumu », 2003 , İstanbul , Küre Yayınları , pp . 33-34 .
5
Davutoğlu A ., նշվ աշխ ., էջ 57-58 :
6
Նույն տեղում , էջ 59 :
7
Նույն տեղում , էջ 118 :
8
Նույն տեղում , էջ 262 : 172