կարգապահ զորաբանակ ՝ « ան-նիզամ ալ-ջադիդ » 9 ։ Այդ նպատակով նա իր ավագ որդի Իբրահիմ փաշային հրամայեց սկսել առաջին ջոկատի նոր զինվորների ուսուցումը կահիրյան Բուլակ արվարձանում ։ Ի պատասխան դրա ալբանական ջոկատների հրամանատարները , միավորվելով ալ-Ազհարի շեյխերի հետ , պահանջեցին դադարեցնել նոր զինվորների պատրաստումը ։ Մուհամմադ Ալին ստիպված էր հնազանդվել և փոխել իր հրամանը ։ Հատկանշական է , որ հոգևորականները բնութագրեցին նոր ստեղծվող զորամասերը ՝ « ան-նիզամ ալ-ջադիդ », որպես « անթույլատրելի նորամուծություն » (« բիդայա »), որը տանում է դեպի « մոլորության », ինչն իր հերթին հավասար էր մահացու մեղքի և փակում էր դրախտի ճանապարհը ։ Այդպիսի լուրջ դիմադրությունը Մուհամմադ Ալիին թույլ չտվեց վճռական գործողություններ ձեռնարկել , և բանակի բարեփոխումը ստիպված հետաձգվեց 10 ։
Այսպիսով , կարելի է եզրակացնել , որ 1815 թ ․ Մուհամմադ Ալիի մոտ ձևավորվել էր հստակ մտադրություն բանակի բարեփոխման համար , և նա ուներ այդ բարեփոխումների հայեցակարգը ։ Որպես խելացի քաղաքական գործիչ ՝ Մուհամմադ Ալին հաշվի առավ թուրքական բարեփոխիչների ՝ Սելիմ 3-ի և Մուստաֆա փաշա Բայրաքթարի տխուր փորձը , ովքեր սպանվեցին 1808 թ ․ գազազած ենիչերների ձեռքով ։ Նա հասկանում էր , որ ուժեղ , կանոնավոր բանակի ստեղծման համար անհրաժեշտ է նախ վերջ դնել ներքին հետադիմությանը ՝ այս դեպքում մամլուքներին ։ Ահա թե ինչու Մուհամմադ Ալին նախահարձակ եղավ մամլուքների հարցում , և 1811 թ . չսպասելով , որ նրանք իրեն վերացնեն , Կահիրեի միջնաբերդում ինքը կոտորեց նրանց խուսափելով Սելիմ 3-ի ճակատագրից և իր դարաշրջանի ամենաառաջադեմ նմուշներով կառուցեց Եգիպտոսի նոր բանակը 11 ։ Ավելացնենք , որ ստեղծելով նոր բանակ , Մուհամմադ Ալին ոչ միայն պետք է հաղթահարեր երկրի ներսի դիմադրությունը , այլև պետք է վերջ դներ կախվածությանը Օսմանյան կայսրությունից ։ Այդ պատճառով , ի տարբերություն Սելիմ 3-րդի , ստեղծելով նոր բանակ , Մուհամմադ Ալին հայտնվեց կրկնակի վտանգի առաջ ՝ ձեռք բերելով ինչպես արտաքին , այնպես էլ ներքին թշնամիներ ։ Ստեղծելով նոր բանակ ՝ նա հնարավորություն ստացավ միաժամանակ պահպանել և ՛ իշխանությունը , և ՛ հասնել անկախության ։
9
Marsot A . L . al-S ., նշվ . աշխ ., էջ 126 :
10
علي محمد شلبي ، المصريون و الجندية قي القرن التاسع عشر ، القاهرة ، ١٩٨٨ ص . ٢٠ .
11
Հովհաննիսյան Ն ., Արաբական երկրների պատմություն , հատոր 2 , Օսմանյան տիրապետության շրջան ( 1516-1918 թթ .), Երևան , 2004 , էջ 179 :
17