վունք ունի ընտրությունների ժամանակ զինված ուժեր ուղարկել Իրանի բոլոր շրջանները 52 :
Մամուլի տեղեկություններով դեկտեմբերի 9-ին իրանական կառավարությունը Զենջանի և Իրանական Քրդստանի հատվածում էր կենտրոնացրել իր ժանդարմերիան և մեծ թվով զրահատեխնիկա 53 : Դեկտեմբերի 10-ին Ա . Ղավամը հեռագիր ուղարկեց Իրանական Ադրբեջանի գեներալ-նահանգապետ Ջավիդին , որտեղ հայտնում էր , որ կառավարական զորքերը նույն օրը մտնելու են Միանե � և որ դիմադրություն ցուցաբերելու դեպքում զորքերին հրամայված է խստորեն ճնշել այն 54 : Նույն օրն իրանական կառավարության զինուժը , ինչպես նաև ամերիկացի ռազմական խորհրդական` գեներալ Ն . Շվարցկոպֆի անմիջական հրամանատարությամբ գործող ժանդարմերիան , մեծաքանակ ռազմական տեխնիկայի ուղեկցությամբ մուտք գործեց Իրանական Ադրբեջան և դաժան հաշվեհարդար տեսավ Իրանական Ադրբեջանի « դեմոկրատների » հանդեպ 55 :
1947 թ . հոկտեմբերի 22-ին Ա . Ղավամը , իրանական մեջլիսում հանդես գալով , նշեց , որ խորհրդա-իրանական նավթային համաձայնագիրը ստորագրվել է ճնշման արդյունքում և առաջարկեց մեջլիսի անդամներին չվավերացնել այն 56 : Նույն օրն իրանական մեջլիսը ձայների բացարձակ մեծամասնությամբ հրաժարվեց վավերացնել խորհըրդա-իրանական նավթային համաձայնագիրը 57 :
Այսպիսով 1945-1946 թթ . իրանական ճգնաժամն իրականում Միջին Արևեքում գերիշխանության համար մղվող անգլո-խորհրդային մրցակցություն էր , որում ակտիվորեն ներքաշվեց ԱՄՆ-ը :
Այն հատկանշական էր նաև նրանով , որ ՄԱԿ-ի ստեղծումից ի վեր առաջին ճգնաժամն էր , որը բարձրացվեց ՄԱԿ-ի Անվտանգության խորհրդում :
52
Իսկանդարյան Գ ., Իրանա-ամերիկյան հարաբերությունները 1942-1960 թվականներին , Երևան , 2011 , էջ 40 :
53
“ Известия ”, 13.12.1946 .
�
Քաղաք Իրանական Ադրբեջանի արևելյան մասում :
54
“ Известия ”, 19.12.1946 .
55
Международные отношения после Второй мировой войны , Том 1 , ( 1945- 1949гг .), Москва , 1962 , с . 258 .
56
Իսկանդարյան Գ ., նշվ . աշխ ., էջ 41 :
57
Международные отношения после Второй мировой войны , Том 1 , ( 1945- 1949гг .), Москва , 1962 , с . 259 .
168