( ԱՄՆ ) հարցը կբարձրացնի ԱԽ-ում , եթե նույնիսկ Իրանը չանի այդ քայլը 36 :
Նյու Յորքում կայացած Անվտանգության խորհրդի նիստի ժամանակ ԽՍՀՄ պատվիրակության ղեկավար Անդրեյ Գրոմիկոն հայտարարեց , որ իմաստ չունի Իրանի խնդիրը ներառել ԱԽ օրակարգ , քանի որ Իրանի և ԽՍՀՄ միջև արդեն համաձայնություն է ձեռք բերվել , և հունվարի 30-ի ԱԽ կայացրած որոշումն արդեն տվել է իր դրական արդյունքը , սակայն ԱՄՆ-ի պատվիրակության ղեկավար Ջ . Բըրնզն առարկեց , որ երկու կողմերի միջև համաձայնություն ձեռք չի բերվել , և 1942 թ . պայմանագրի խախտման պատճառով պետք է հարցը քննվի ԱԽ-ում 37 :
Միաժամանակ բրիտանական արտաքին գերատեսչության շրջանակներում Անվտանգության խորհուրդը դիտարկվում էր զուտ Իրանում բրիտանական գերիշխանությունը պահպանելու միջոց , և ԱԽ-ում իրանական հարցի բարձրացումը հիանալի միջոց էր գրավելու նաև ԱՄՆ-ի ուշադրությունը , որն ըստ երևույթին հաջողվեց :
Մեծ Բրիտանիայի արտաքին գործերի արևելյան բաժնի ղեկավար Ռ . Հոուին դեռ ԱԽ հունվարի նիստի ժամանակ ՄԱԿ-ում Մեծ Բրիտանիայի դեսպան Ալեքսանդր Կադոգանի հետ զրույցում` ողջունելով իրանական կառավարության որոշումը ԱԽ-ում բարձրացնելու վերաբերյալ , միաժամանակ նշում էր . « Ցանկալի է , որ հիմա Իրանի կառավարությունն իր խնդիրը ՄԱԿ-ում բարձրացնելով` Անվտանգության խորհրդի բոլոր անդամների մոտ տպավորություն ստեղծի , որ խնդիրն իրականում իրանա-խորհրդային բնույթ է կրում , այլ ոչ թե Միջին Արևելքում գերիշխանություն տարածելու ռուս-բրիտանական հերթական մրցակցությունն է » 38 :
Հակառակ պարագայում ԱՄՆ-ը , որը ՄԱԿ-ի անդամ է , կարող էր հեռու մնալ իրանական խնդրից և որպեսզի իրական խորհրդա-բրիտանական խնդիրը մնար ստվերում` խորհուրդ էր տալիս , որ Մեծ Բրիտանիան հանդես չգա իրանական ճգնաժամն Անվտանգության խորհըրդում կարգավորողի անմիջական նախաձեռնությամբ :
36
Truman H . S ., նշվ . աշխ ., էջ 94-95 : Ինչպես նաև Shwadran B ., նշվ . աշխ ., էջ 72-73 :
37
United Nations Security Council discusses Iran , 1946 https :// www . youtube . com / watch ? v = 4pyKloTpGvY
38
Britain , the United Nations and the Iranian Crisis of 1946 , Middle-East Journal of Scientific Research 18 ( 11 ), 2013 , p . 1547 .
164