Ֆրանսիայի դեմ սկիզբ առած ագրեսիվ պատերազմների ընթացքում բրիտանացիները զգալի ֆինանսական աջակցություն էին ցուցաբերում իրենց դաշնակից արքունիքներին : Այսպես` յուրաքանչյուր հարյուր հազար զինվորի դիմաց վերջիններս Լոնդոնից ստանում էին 1.250.000 ֆունտ ստերլինգ 1 , ինչն այդ երկրների համար զգալի գումար էր :
Ֆրանսիայի համար աշխարհաքաղաքական այս դժվարին պայմաններում էլ ողջ ծավալով դրսևորվեց երիտասարդ և շնորհալի գեներալ Նապոլեոն Բոնապարտի ( 1769-1821 թթ .) ` որպես ռազմական և պետական փայլուն գործչի բացառիկ տաղանդը : Հենց նրա գործուն մասնակցությամբ էր , որ 1797 թ . ջախջախվեց և կազմալուծվեց առաջին հակաֆրանսիական խմբավորումը ( 1792-1797 թթ .), սակայն դեռևս անսասան էր մնացել Մեծ Բրիտանիան : Ուստի բրիտանացիներին ևս հաշտություն պարտադրելու մեթոդների ընտրության կապակցությամբ 1797-1798 թթ . Փարիզում ընթանում էին բուռն քննարկումներ :
Մեծ Բրիտանիայի ջախջախումը Ֆրանսիայի համար ուներ առաջնային նշանակություն : Բոնապարտն ու Ֆրանսիայի արտաքին գործերի նախարար Շ . Մ . Թալեյրանը Դիրեկտորիային առաջարկում էին բրիտանական շահերին հարված հասցնել Եգիպտոսում , որը սոսկ ձևականորեն պատկանում էր Օսմանյան կայսրությանը և իր նպաստավոր աշխարհագրական դիրքի շնորհիվ ուներ ստրատեգիական նշանակություն : Արշավանքի հաջող ելքը թույլ կտար իրական սպառնալիք ստեղծել Հնդկաստանում ( հանդիսանում էր բրիտանական գաղութ ) Մեծ Բրիտանիայի տնտեսական շահերի համար : Արդյունքում անգլիացիները կզրկվեին Ֆրանսիայի դեմ երկարատև պատերազմներ վարելու , ինչպես նաև իրենց դաշնակիցներին առատորեն ֆինանսավորելու հնարավորությունից : 1797 թ . օգոստոսին Դիրեկտորիային ուղղված իր նամակում Բոնապարտն արդեն պաշտոնապես դնում էր Եգիպտոսը գրավելու հարցը . « Հեռու չէ ժամանակը , երբ մենք կհասկանանք , որ Անգլիային իրապես ջախջախելու համար մեզ պետք է նվաճել Եգիպտոսը » 2 :
Հիշյալ ջանքերի արդյունքում 1798 թ . գարնանը Դիրեկտորիան ստորագրեց « Արևելյան » բանակի կազմավորման մասին հրամանը , որի հրամանատար նշանակվեց Բոնապարտը : Վերջինիս հատկացվում էր
1
Троицкий Н . А ., Александр I и Наполеон . Москва , 1994 , с . 97 .
2
Մանֆրեդ Ա . Զ ., Նապոլեոն Բոնապարտ , Երևան , 1975 , էջ 207 ։ 151