MIDDLE EAST HISTORY POLITICS CULTURE XI-XII Middle East | Page 143
րիքի բարձրացման համար: 97%-ը դեմ է եղել բարձր մահրիեի: 43%-ը
համաձայն է բարձր մահրիեի՝ որպես երաշխիք հարատև ամուսնու-
թյան: 61%-ը դեմ է բարձր մահրիեի, քանզի այն երջակության երաշխիք
չի հանդիսանում: 59%-ը ոսկեդրամը (սեքքե) համարել է վճարման
լավագույն միջոցը: 30%-ը համարում է, որ մահրիեի չափը պետք է
համապատասխանի իրական հնարավորությանը: 71%-ը կարծում է, որ
չպետք է մահրիեն վճարել հարսանիքի ժամանակ: 93%-ը կարծում է, որ
բարձր մահրիեն հաջող ամուսնության երաշխիք չէ: 50%-ը կարծում է,
որ բարձր մահրիեի պատճառը անվստահությունն է, իսկ 70%-ը դեմ է
այն կարծիքին , թե «Ո՞վ է մահրիեն տվել և ո՞վ է վերցրել» 24 :
Իրանի Իսլամական Հանրապետությունում գոյություն չունի
ամուսնական պայմանագրի հստակ ձև: Այնտեղ կարող է ընդգրկվել
ցանկացած կետ, որն իր բնույթով սուր հակասություններ չունի երկրում
գործող կրոնական և քաղաքացիական օրենքների հետ: Հավանաբար
դա է պատճառը, որ մինչ այսօր մահրիեի չափը սահմանափակող որևէ
օրենք գոյություն չունի, թեև ժամանակ առ ժամանակ երկրի օրենսդիր
մարմնում` մեջլիսում, քննարկվում է դրա չափը սահմանափակող
օրենքների անհրաժեշտության հարցը: Պատճառն այն է, որ երիտա-
սարդներն ամուսնական պայմանագիրը կնքելու ժամանակ խոստա-
նում են մահրիեի մի չափ, որը հետագայում չեն կարողանում վճարել:
Այժմ հատկապես Թեհրանում ընդունված է որպես մահրիե տալ
ոսկեդրամ (սեքքե): Վերջին ժամանակներում հատկապես նորաձև է
որպես մահրիե խոստանալ և կնքել հարսնացուի ծնվելու տարեթվին
համապատասխաող ոսկեդրամ: Օրինակ` աղջիկը ծնվել է 1365 թ.
(Հիջրայի տարեթվով) և տղան իբրև թե ի նշան իր սիրո` խոստանում է
այդքան ոսկեդրամ: 1 ոսկեդրամի քաշը 8.8 գրամ է, այսինքն` տվյալ
դեպքում ամբողջը կազմում է մոտ 12 կգ ոսկի:
Պետությունը ցանկանում է կարգավորել մահրիեի չափը, քանի
որ այն տղամարդու կողմից չվճարվելու դեպքում նրան բանտարկու-
թյուն է սպառնում: Վերջին տարիներին դատապարտվածների մեջ մեծ
թիվ են կազմում մահրիեի և կանանց աջակցության համար չվճարելու
պատճառով դատապարտված տղամարդիկ: Պետությունն այդ միջա-
մտությունը ցանկանում է կատարել փոխզիջման ձևով, այսինքն` սահ-
մանել մի չափ, որը պարտադիր պետք է վճարվի տղամարդու կողմից,
Տե՛ս مهريه درباره تهران مردم از تلفنی نظرسنجی, http://www.hamshahritraining.ir/news-
3181.aspx
143
24