MIDDLE EAST HISTORY POLITICS CULTURE XI-XII Middle East | Page 142
Երբեմն կնքվող ամուսական պայմանագրում մահրիեն նախա-
պայման ունի: Օրինակ`մեկը սահմանում է ցածր մահրիե այնքան
ժամանակ, մինչև կնոջից չպահանջվի թողնել իր ծննդավայրը, իսկ
բարձր մահրիեի դեպքում կնոջից հետագայում կպահանջվի տեղա-
փոխվել մեկ այլ բնակավայր:
Մահրիեի առաջացրած խնդիրների քննարկումները ժամանա-
կակից Իրանում թափացել են նաև հանրային տիրույթ:
Հանրայնացման օրինակներից կարելի է համարել իրանական
շատ ֆիլմեր, որտեղ պատկերավոր ներկայացվում են մահրիեի «սա-
կարկման», պայմանավորվածության և հետագայում ներընտանեկան
հարաբերություններում խաղացած դերակատարության խնդիրները:
Այդպիսի ֆիլմերից մեկն է իրանական արտադրության «Հայրիշխա-
նություն» (փեդար սալար) բազմասերիանոց ֆիլմը 23 , որը հարուստ
ազգագրական նյութ է պարունակում` ներկայացնելով 20-րդ դարի
վերջին տասնամյակների թեհրանյան առօրյան, բարքերը, ընտանեկան
հարաբերությունները: Ֆիլմում ներկայացված է նահապետական մի
ընտանիքի պատմություն և նրա հետ անմիջական հորիզոնական ազ-
գակցական կապ ունեցող այլ ընտանիքներ: Ընտանիքի գլուխ կանգնած
է գերդաստանի հայրը` իր «անսասան» իշխանությամբ: Որպես մահ-
րիե` նշվում է նաև «զրո կիլոմետր վարած մեքենա», սակայն ամուսնու-
թյունից հետո նորահարսը հրաժարվում է ապրել ընտանիքի մյուս
անդամների հետ միասին նույն ընդհանուր, բայց առանձնացված մուտ-
քերով տանը: Ընտանիքի հայրը որոշում է զրկել նրան մահրիեի մաս
կազմող մեքենայից, որը բախվում է հարսի բողոքին, քանզի մահրիեն
պատկանում է միմիայն նրան, այն նշված է ամուսնական պայմանա-
գրում, և միայն նա իրավունք ունի տնօրիել իրեն պատկանող գույքը:
Թեհրանում հրատարակվող «Համշահրի» օրաթերթը մահրիեի
չափի
վերաբերյալ
հանրային
կարծիքի
ուսումնասիրության
նպատակով 2010 թ. փետրվարի 9-ին (19 բահման, 1389 թ.) անցկացրել է
հեռախոսային հարցում 600 հոգու շրջանակում, որոնցից 50%-ը եղել է
կին, մյուս 50%-ը` տղամարդ: Հարցվածների 44%-ը կարծել է, որ մահ-
րիեի մեծ չափը պատճառ չի կարող հանդիսանալ ամուսնության տա-
Տե՛ս پدرساالرPedar Salar,
https://www.youtube.com/watch?v=tLT2IFRGvpc&list=PLChTv0ceKRqoQjh1mDCV
C0mKJn_oVm7xA.
23
142