սկզբունքներ և այլն , որոնց Մուհամմադ Ալին հետագայում լայնածավալ գործածություն տվեց սեփական բանակի կառուցման համար ։ Ֆրանսիական ռազմարշավը խզեց տեղական բնակչության կապը մամլուքների հետ , ապացուցեց նրանց ռազմական անկարողությունը եվրոպացիների դեմ պայքարում ։ Մամլուքյան ռազմական կազմակերպության վարկաբեկումը հանդիսացավ բարոյահոգեբանական կարևոր նախադրյալ Մուհամմադ Ալիի կողմից 19-րդ դարում ձեռնարկված արմատական ռազմական բարեփոխումների համար ։
Առաջին հերթին ուշադրության է արժանի ֆրանսիացիների հովանավորությամբ ստեղծված և վարժեցված քրիստոնեական ղպտիական զորախումբի գործունեությունը ։ Բանն այն էր , որ Եգիպտոսում Բոնապարտը իրական աջակցություն ստացավ միայն քրիստոնյաների ՝ առաջին հերթին ղպտիների կողմից ՝ նրանց ռազմաքաղաքական առաջնորդ Յակուբ Խաննայի ( Մուալլիմ Յակուբ ) գլխավորությամբ 1 ։
1800 թ ․ մայիսի 29-ին Յակուբ Խաննան սկսեց ղպտիական զորախմբի ձևավորումը , որը ֆրանսիական օկուպացիոն բանակի օժանդակ ստորաբաժանում էր , որտեղ հաշվվում էին ավելի քան 2000 ղպտի զինվորներ ։ 1800 թ ․ հուլիսին ֆրանսիական բանակի գեներալ Կլեբերի դեմ մահափորձից և նրա վախճանից հետո Յակուբ Խաննան ֆրանսիացիներին առաջարկեց հայտարարել Եգիպտոսի անկախությունը , ինչը նրա զորախումբը կդարձներ անկախ պետության ազգային բանակ 2 ։ 1801թ ․ Յակուբ Խաննան արժանացավ ֆրանսիական օկուպացիոն բանակի բրիգադային գեներալի կոչմանը և հայտնի դարձավ գեներալ Յակուբ անունով ։
1801-1805 թթ ․ ֆրանսիական զորքերի տարհանումից հետո Եգիպտոսը գտնվում էր օսմանյան , անգլիական և մամլուքյան ռազմական ստորաբաժանումների իշխանության ներքո , որոնք պայքար էին մղում իշխանության համար ։ Այս պայմաններում Մուհամմադ Ալին ՝ օսմանյան բանակի ալբանական վարձկանների առաջնորդը , հանդիսացավ հակամարտող կողմերից անջատ այն մարմինը , ում ալբանացիների հետ մեկտեղ աջակցում էր թուրքական և մամլուքյան զորքերի մի մասը , ինչպես նաև իսլամական ազդեցիկ հոգևոր գործիչների խումբը և քաղաքային մեծամեծները ։ Ունենալով նման ազդեցիկ
1
История национально-освободительной борьбы народов Африки в новое время , Руководитель издания Солодовников В . Г ., Москва , 1976 , с . 166 .
2
Նույն տեղում : 14