հոմանիշ է նշում նաև փրկագինը և մահրը , սակայն հոդվածում ցույց ենք տալու , որ թե ՛ « կալիմը », թե ՛ հայ ազգագրագետների կողմից շրջանառվող գլխագինը չեն կարող համեմատվել մահրի կամ մահրիեի ( մեհրիե ) հետ :
Հայերի ավանդական մշակույթում տարածված գլխագինը ( կաթնագինը ), ծծագինը 8 , որը մեկնաբանվել է նաև որպես առ և տուր 9 , այսինքն ՝ աղջկա ( ապագա կնոջ , հարսի ) համար վճարվող խորհրդանշական գին , այլ իմաստ ունի , քան իրանական մահրիեն : Ըստ Խ . Սամվելյանի ՝ դեռևս հին Հայաստանում գոյություն է ունեցել գնմամբ ամուսնություն , որի արդյունքում տղայի տոհմից աղջկա տոհմին փրկանք էին տալիս , որպեսզի ծածկվի-փոխհատուցվի աղջկա ընտանեկան համայնքի կողմից աղջկա հեռանալով պատճառվող վնասը 10 : Ղուրանով և իսլամական շարիաթով հաստատված և Իրանում դեռևս խիստ կարևորվող մահրիեն որևէ աղերս չունի « առևտրի », որևէ վնաս փոխհատուցելու և / կամ առհասարակ ամուսնացող և ընտանիքից / համայնքից հեռացող աղջկա ընտանիքի / համայնքի հետագա նյութական խնդիրների հետ :
Իրանը , ինչպես գիտենք , իսլամադավան երկիր է ( 99.39 % մահմեդական ) 11 , իսկ պետական կառուցվածքով այն այսօր համարվում է աշխարհի եզակի թեոկրատական երկրներից , հետևաբար այնտեղ քաղաքացիական օրենքներն ավելի շատ ազդված են կրոնական նորմերից : Ընտանիքին , ամուսնությանը , սեռերի փոխհարաբերություններին վերաբերող Քաղաքացիական օրենսգրքի հոդվածներն ուսումնասիրելով , ակհայտորեն տեսնում ենք , որ դրանք ամբողջովին հիմնված են գլխավորապես Շարիաթի , տեղական սովորույթների , և ամենագլխավորը` Ղուրանի վրա :
http :// www . nayiri . com / imagedDictionaryBrowser . jsp ? dictionaryId = 25 & pageNumber = 146
8
Տե ՛ ս Լիսիցյան Ս ., Զանգեզուրի հայերը , Հայկական ՍՍՀ գիտությունների ակադեմիայի հրատ ., Երևան , 1969 , էջ 188 :
9
Տե ՛ ս Харатян З . В ., Берущие и дающие ( армянские обозначения брачной пары в фолькорно-этнографическом контексте ), Историко-этнографические исследования по фольклору , сост . Петрухин В . Я ., Москва , 1994 , с . 257-266 .
10
Տե ՛ ս Սամուելյան Խ ., Հին Հայաստանի կուլտուրան , « Արմֆան » -ի հրատ ., 3-րդ հատ ., Երևան , 1941 , էջ 111 :
11
Տե ՛ ս Statistical Center of Iran , 2011 General Cencus Selected Results , 2012 , p . 26 . 138