Կազմակերպության կենտրոնակայանը Ստամբուլում էր , թեև այն գործում էր կայսրության գրեթե ողջ տարածքում : Բացի կենտրոնական մարմնից , կառույցն ուներ նաև « թաղամասային ճյուղեր », որոնք գործում էին Ստամբուլի Բեշիքթաշ , Բաքըրքյոյ , Սկյուտար շրջաններում : Զենքի և զինամթերքի տեղափոխությամբ զբաղվում էր ռազմական մատակարարման բաժինը ՝ Ալի Ռըզա բեյի գլխավորությամբ 21 : Կառույցի գործակալները գործում էին ոչ միայն Ստամբուլի տարածքում , այլ նաև Փոքր Ասիայի տարբեր հատվածներում , հատկապես , Իզմիրում ( Զմյուռնիայում ):
Կառուցվածքային տեսանկյունից « Քարաքոլը » բաղկացած էր երեք հիմնական բաժիններից ՝ մամուլ , քարոզչություն և հետախուզություն ( լրտեսական / գործակալական գործունեություն ): Այս բաժիններն ունեին իրենց պատասխանատուներն ու ենթակառուցվածքները : Կազմակերպությունն առանձնակի կարևորում էր մամուլի հետ աշխատանքը , իսկ այս ուղղությունը ղեկավարում էր Ալի Ռըզա բեյը : « Քարաքոլի » ազդեցության տակ էր Ստամբուլում լույս տեսնող « Իլերի » թերթը 22 : Քարոզչական բաժնի ղեկավարն օսմանյան բանակի սպա Քեմալեթթին Սամի բեյն էր 23 , որի խնդիրն էր քարոզչական գործունեություն իրականացնել ոչ միայն օսմանյան պետության սահմաններում , այլ նաև հետաքրքրություն ներկայացնող եվրոպական երկրներում : Բուն հետախուզական գործունեության համար պատասխանատուն օսմանյան բանակի շտաբային փոխգնդապետ Էդիփ Սերվեթ բեյն էր : Վերջինիս ղեկավարած բաժնի գործակալները ներդրված էին նաև մի շարք օտարերկրյա դեսպանատներում 24 :
« Քարաքոլի » առաջնային խնդիրներից էր նաև երիտթուրք ղեկավարների պաշտպանությունը հայկական կառույցների գործողություններից 25 : « Միություն և առաջադիմություն » կուսակցության ղեկավար շրջանակները հաշվի էին առնում Հայոց ցեղասպանության հետևանքով հայերի շրջանում վրիժառուական գործողությունների հնա-
21
Demirel E ., նշվ . աշխ ., էջ 188 :
22
Özkan T ., “ MIT ' in gizli tarihi ”, Istanbul , 2003 , s . 102 .
23
1920 թվականից Քեմալեթթին Սամի բեյը քեմալական բանակի Կովկասյան ճակատի հրամանատարական կազմում է ընդգրկվել , իսկ Թուրքիայի Հանրապետության հռչակումից հետո նշանակվել է Գերմանիայում Թուրքիայի դեսպան , իսկ նրա ընտանիքը հետագայում վերցրել է Գյոքչեն ազգանունը :
24
Özkan T ., նշվ . աշխ ., էջ 103 :
25
Mumcu U ., “ Gazi Paşa ’ ya Suikast ”, Ankara , 1999 , ss . 95-96 . 129