որտեղ , օրինակ , գրված էր հրաժարվել քրիստոնյաներին և հրեաներին բարևելուց , պետք է գործածությունից դուրս հանվեին 13 :
Նույն տարվա հունվարի 22-ին Դավոսում կայացած Համաշխարհային տնտեսական ֆորումի ժամանակ Աբդ ալ Ֆաթահ աս-Սիսին իր ելույթում ևս մեկ անգամ անդրադարձավ ահաբեկչության դեմ պայքարի և իսլամի նորացման անհրաժեշտությանը : Նա նշեց . « Իսլամի հանդուրժողականության մասին տեսությունները միշտ չէ , որ ընկալելի են եղել աշխարհի համար վերջին 20-30 տարիների ընթացքում : Ահասարսուռ ահաբեկչական հարձակումները և դրանից բխող մուսուլմանների աղետալի պատկերը մեզ ստիպեցին լուրջ հայացք գցել կրոնական խոսույթի վրա ՝ արմատախիլ անելու այն մտքերը , որոնք բերում էին ծայրահեղականության և ագրեսիայի » 14 :
Վերոնշյալը հստակորեն ցույց է տալիս , որ թեև իսլամական պահպանողականների ընդդիմությանը և մեղադրանքներին , դեռևս իր նախագահության հենց սկզբից Աբդ ալ-Ֆաթահ աս-Սիսին իր առաջ հստակ նպատակ էր դրել կրոնական համատեքստում քայլ առ քայլ փոփոխություններ կատարել : Փոփոխությունները կրթական գործընթացներում Աս-Սիսիի ալ-Ազհարի ելույթին հաջորդեց 2015 թ . մարտի 4-ին Ուսումնական ծրագրի զագացման կոմիտեի կազմումը , որի գործառույթը ուսումնական ծրագրերի և դասագրքերի վերանայելն ու ագրեսիա հարուցող տեքստերը հանելն է : Մարտի 18-ին Եգիպտոսի կրթության նախարար Մոհեբ Ալ-Ռիֆաին որոշում կայացրեց դադարեցնել որոշ դասընթացների դասավանդումը , իսկ արաբերենի դասագրքերից հանվեցին Սալահ ադ-Դինին 15 վերաբերող հատվածները : Վերջինս խաչակրաց արշավանքների ժամանակ ջիհադի 16 գաղափարը կենդանաց-
13
Նույն տեղում :
14
Տե ՛ ս Egyptian President Sisi Calls for Reform of Islam http :// jcpa . org / article / sisi-calls-for-reform-of-islam /, Մուտք 15.04.2015 :
15
Սալահ ադ-Դին Յուսուֆ իբն Այյուբը ( 1138-1193 ) Եգիպտոսի և Սիրիայի առաջին սուլթանն էր , Այուբյան դինաստիայի հիմանդիրը : Վերջինս ներկայացել է որպես սուննիական իսլամի պաշտպան և իր ողջ կառավարման ընթացքում պայքար է մղել խաչակիրների և շիաների դեմ , որը մեկնաբանել է որպես ջիհադ :
16
Հավատի համար մղվող պայքար : Սկզբնապես ջիհադի անվան տակ հասկացվում էր պայքար իսլամի տարածման և պահպանման համար : ( Տե ՛ ս Ислам . Энциклопедический словарь , с . 66-67 ):
114