ՄԽԻԹԱՐՅԱՆ ՄԱՐԻԱՄ ( ԵՊՀ )
ԵԳԻՊՏՈՍԻ ԱՇԽԱՐՀԻԿԱՑՄԱՆ ՝ ԱԲԴ ԱԼ-ՖԱԹԱՀ ԱՍ-ՍԻՍԻԻ ՓՈՐՁԵՐԸ
2014 հունիսի 8 – ին Եգիպտոսի նախագահ ընտրվեց Աբդ ալ- Ֆաթահ աս-Սիսին , ով իր նախագահության հենց սկզբից աչքի ընկավ « Մուսուլման եղբայրներ » կազմակերպության նկատմամբ վարած խիստ քաղաքականությամբ և աստիճանաբար սկսեց քայլեր ձեռնարկել երկրում մի շարք կրոնական և հասարակական փոփոխությունների իրականացման համար :
Այս հոդվածում ներկայացվում և վերլուծվում են աս-Սիսիի կատարած փոփոխությունների փորձերը և եգիպտական հասարակության արձագանքը դրանց : Աս-Սիսիի « իսլամական հեղափոխությունն » ու հավատի դիլեման Նախագահ աս-Սիսին իր նպատակների մասին առաջին անգամ հայտարարեց ալ-Ազհարի 1 իր հայտնի ելույթի ժամանակ 2 :
2015 թ . հունվարի 1-ին Եգիպտոսի ներկայիս նախագահ Աբդ ալ- Ֆաթահ աս-Սիսին Ազհարի համալսարանում հանդես եկավ աղմկահարույց ելույթով , որով նա ալ-Ազհարի շեյխերին և կրոնական գործիչներին ասում էր , որ ժամանակն է եկել բարեփոխելու իսլամը : Իր ելույթում աս-Սիսին գովաբանում էր իսլամը և կենտրոնանում « fikr » 3 ( արաբ . թրգմ .՝ միտք ) կոչվող գաղափարի վրա , որը կոնկրետ այդ համատեքստում ուներ « սխալ գաղափարներ » իմաստը : Նա քննադատում էր , որ սխալ գաղափարները սրբացվել են , իսկ հոգևոր գործիչները չեն քննադատում այդ երևույթը :
1
Մզկիթ և ուսումնական հաստատություն Կահիրեում , որի ուսուցման հիմնական առարկաները ֆիկհն է , արաբերեն լեզուն և գրականությունը , ղուրանագիտությունը և հադիսագիտությունը ( Տե ՛ ս Ислам . Энциклопедический словарь . Москва : « Наука », Главная редакция восточной литературы , 1991 , с . 15-16 ), ( Այսուհետ ՝ Ислам . Энциклопедический словарь ).
2
Տե ՛ ս Kalmia al-raʾyīs ʿabd al-Fatāḥ al-Sīsi bi-munāsaba zikra al-mawulid al-nabawī al-sharīf bi-alazhar ’’ ttp :// tv . egyup . com / index . php ? video = 29282
3
Տառադարձման այբուբեն ըստ IJMES-ի ( International Journal of Middle East Studies ):
111