բողոքարկել քաղաքացիական դատարաններում , որոնք մեծամասամբ գտնվում են իսլամամետ իշխանությունների հսկողության ներքո ։
Բանակի իրավասությունների կրճատումը միայն սահմանադրական փոփոխությամբ չի սահմանափակվում : Այս տեսանկյունից հանգուցային էր նաև 2013 թ . Թուրքիայի ԶՈւ ներքին ծառայության կանոնագրքում 35-րդ հոդվածի փոփոխությունը 8 : Սակայն , ինչպես ցույց տվեցին հետագա գործընթացները ՝ սահմանադրական և օրենսդրական այլ փոփոխությունները նույնիսկ չկարողացան Թուրքիային հեռու պահել ռազմական հեղաշրջման փորձից :
Այսպես ՝ 2016 թ . հուլիսի 15-ին Թուրքիայի ԶՈւ հրամկազմի և ստորաբաժանումների մի մասը փորձեցին նոր ռազմական հեղաշրջման միջոցով տապալել ԱԶԿ կառավարությունը : Թեև բանակն ամբողջությամբ չներգրավվեց , սակայն հիմնական իրականացնողները բանակային ստորաբաժանումներ և հրամկազմի ներկայացուցիչներ էին : Արդեն 2016 թ . դեկտեմբերին իշխող կուսակցությունն առաջ քաշեց սահմանադրական փոփոխությունների նոր փաթեթ 9 , որի 18 կետերը այդ երկրի խորհրդարանում ընդունվեցին 2017 թ . հունվարին , իսկ ապրիլին պետք է դրվեն հանրաքվեի : Նոր փաթեթով բանակին վերաբերող փոփոխությունները 10 հիմնականում հետևյալն են ՝
8
TSK İç Hizmet Kanunu ' nun 35 . maddesi değişti , Cnn Türk , 13.07.2013 , http :// www . cnnturk . com / 2013 / turkiye / 07 / 13 / tsk . ic . hizmet . kanununun . 35 . maddesi . de gisti / 715269.0 /: Այս հոդվածով Թուրքիայի ԶՈւ-ն իրավունք էր ստանում խառնվել քաղաքացիական կառավարման գործընթացներին ՝ « եթե սահմանադրական կարգին վտանգ է սպառնում »: Սա բանակին թույլ էր տալիս իրավական հիմքեր ստեղծել ռազմական հեղաշրջումներ իրականացնելու համար :
9
Թուրքիայի սահմանադրական փոփոխությունների նախնական նախագիծը ։ խորհրդարանական քննարկումների արդյուքնում 21 հոդվածից քվեարկութան դրվել է 18-ը ։ 5-րդ , 14 և 15-րդ հոդվածները հանվել են նախագծից ։ http :// www2 . tbmm . gov . tr / d26 / 2 / 2-1504 . pdf :
10
Սահմանադրական փոփոխության փաթեթի նախնական տարբերակով նաև սահմանվում էր , որ « Թուրքիայի նախագահը ԶՈւ գերագույն գլխավոր հրամանատարն է »։ Այս կետում հանվել էր « ԹԱՄԺ անունից » հատվածը , սակայն քննարկումների ընթացքում այդ դրույթը մնում է անփոփոխ ։ Սա կարող ենք նաև ետքայլ համարել , քանի որ նախագահն այնուամենայնիվ որոշակի առումով պետք է պատասխանատու լինի նաև խորհրդարանի առջև : Anayasa değişikliği teklifi 18 maddeye düşürüldü , http :// t24 . com . tr / haber / anayasa-degisikligiteklifi-18-maddeye-dusuruldu , 380048 ( Հասանելի է ՝ 01.02.2017 թ )։
107