Anders as organiese boerdery, wat sintetiese insette vermy, herstel herlewingslandbou ekosisteme deur biodiversiteit, grondbedekking, minimale versteuring en mikrobiese lewe. In Suid-Afrika, waar landbou min of meer 10 % van die BBP uitmaak, en R200 miljard in uitvoere lewer, kry hierdie praktyk momentum te midde van droogtes( 2015 – 2018 Kaap; 2023 – 2024 Limpopo / Noordwes). Volgens die DALRRD en LNR kan dit grondvrugbaarheid herstel en waterverbruik met 30 – 50 % verminder.
Waterbestuur staan sentraal in hierdie benadering, aangesien Suid-Afrika’ n waterskaars land is met’ n gemiddelde jaarlikse neerslag van net 450 mm – ver onder die wêreldgemiddelde van 860 mm.
Die MARKtoe!-span het onlangs drie baanbrekers besoek wat hierdie beginsels toepas: Nederburg in die Paarl, Springfield Farm in Limpopo en Woodlands Dairy in Humansdorp. Al drie het hul bedrywe só ontwikkel dat herlewingslandbou nie net’ n ideaal is nie, maar’ n daaglikse praktyk.
WATERHERWINNING EN ENERGIE-INTEGRASIE BY NEDERBURG
Wanneer’ n mens herlewingslandbou in wingerdbou toepas, werk jy met dit wat die natuur bied en probeer jy om natuurlike prosesse na te boots sodat die wingerde optimaal kan groei en produseer. Dit was deel van die boodskap tydens’ n onlangse inligtingsessie oor herlewingslandbou op die Nederburg-wynlandgoed buite Paarl— deel van die Heineken-groep.
Volgens Henk van Graan, landbouspesialis by Nederburg, bly die einddoel van hul herlewingslandboupraktyke om wyne van