GROND TOT MOND
13.
Die whisky is ‘n uitvloeisel van Martiens se bier-belangstelling.
Soos druiwe die skakel tussen wyn en brandewyn is, is graan die skakel
tussen bier en whisky.
Eksperimente het partykeer ook onverwagte resultate. “So ‘n ruk-
kie gelede het ek ‘n moerbei brandewyn-eksperiment gedoen tot ek met
skok agterkom het dat moerbeie ‘n lakseermiddel word. Maar dit het ‘n
ongelooflike karakter gehad. Ek vervang toe die brandewyn in die vat
met ‘n suurbier!”
14.
Met hitte en intense koue, kry ’n mens hier
wyndruiwe wat jy nie sou verwag nie.
‘n Ander unieke eienskap van sy brandewyn, is dat die helfte van sy
basiswyn uit rooiwynkultivars bestaan. “Meeste ouens gebruik Colombar
en Chenin Blanc. Ons baie sonskyn veroorsaak uitstekende balans in
suur en suiker, veral in die rooi kultivars. Daarom gebruik ons ‘n groot
komponent Cabernet Sauvignon en Merlot, en ‘n bietjie Sangiovese.
Die res bestaan hoofsaaklik uit Colombar van ons oudste oorlewende
wingerdblok wat in 1989 geplant is.”
Op ‘n granietrots langs die wingerde wys Martiens waar die
plaasgrense lê. Dis ook juis hierdie tipe graniet wat oor jare met
dinamiet weggeblaas moes word sodat boere effektiewe gebruik van
vloedbesproeiing kon kry.
Hy noem dat die meeste wingerde hier sowat 840 m bo seespieël
lê en ook tot op 1 000 m geplant word. Met hitte en intense koue, kry ’n
mens hier wyndruiwe wat jy nie sou verwag nie. “Mense is altyd verbaas
om te hoor ons het ‘n paar rye Pinot Noir waarvan ons ‘n enkelvariëteit-
wyn maak.”
Wat ons nie verbaas nie, is hoe intens bedrywighede op so ‘n klein
onderneming kan wees. Omdat elke sent omgedraai moet word, word ‘n
boer se vernuf voortdurend getoets. Selfs die webwerf moet aanhoudend
versorg word.
“Dit is ons beperking, want ons is so klein en moet alles self doen.
Daar is maar min plekke met so min hande wat die produk van grond
tot bottel – en selfs die etiket – self hanteer.” Dit is ook een van die redes
hoekom sy vrou, Maxé, onlangs haar Upington-werk opgegee het om meer
by die plaas betrokke te raak. “Ons wil graag ‘n top plaaslike ervaring
van kwaliteit kos en wyn vir mense aanbied.”
7. Vate vol wyn moet kan lug uitblaas, maar nie intrek nie. 8. Martiens leef sy kuns met die etiketontwerp uit. 9. Bezalel was ‘n Bybelse nutsman.
10. Die kelder se lug is dik met die reuk van brandewyn. 11. ‘ ’n Mense moet wyn maak voor jy brandewyn kan maak.’ 12. Om voorraad reg te bestuur is ‘n fyn kuns
vir klein ondernemings. 13. Oor die jare moes bo-grondse graniet vir wingerde teen die rivier plek maak. 14. Likeurs word gemaak van plante uit die Bezalel-tuin.
MARKtoe! Junie 2018 45