Willem is nege jaar ouer as sy broer. Eric is sedert 2015 op die plaas, nadat hy aan Elsenburg Landboukollege gestudeer het. Die twee broers het met die boerdery voortgegaan. Willem het besigheid gestudeer en in die tegnologiebedryf en natuurbewaring gewerk. Dit is duidelik dat die twee goed oor die weg kom.
“ Ek het boerdery en besigheidsanalise met sagtewareontwikkeling aan’ n Kaapse technikon gestudeer en my eie sagtewareonderneming bedryf. Danksy my liefde vir die natuur het ek ook natuurbewaringsopleiding gedoen. Ek het veldwagters opgelei en het voorheen ook opleiding aan ondernemings sowel as lede van die publiek gegee, veral oor mediese aspekte soos die behandeling van slang-, skerpioenen spinnekopbyte. Ek is’ n gekwalifiseerde Wilderness First Responder( WFR) en onderneem gereeld uitstappies saam met toergroepe en mense wat in die veld gaan stap,” vertel Willem.
Met verloop van tyd het die Van Zyls ook pekanneute, sitrus en droogdruiwe geproduseer as deel van die diversifikasie van hul produkaanbod, wat noodsaaklik is in die landbou-