9. Die proelokaal van Teubes Family Wines waar besoekers welkom is om hul wyne te proe en aan hul tuisgemaakte lekkernye te smul.
Biologiese praktyke vir’ n warmer klimaat
Klimaatsverandering het Johan en Sybrand gedwing om sekere aanpassings te maak om die beskikbare water beter te benut en chemiese grondbehandeling af te skaal.
“ Ons het’ n groot‘ chipper’ aangeskaf en die bloekombome opgekap as deel van ons eie komposproduksie. Ons het die opgekapte materiaal op die bankies van die wingerde gestrooi. Dit het ons waterverbruik met ongeveer 30 % verminder.
“ Ons maak ook ons eie kompostee om grondgesondheid uit te bou. Ons produseer ongeveer 10 000 l op’ n slag en plaas dit in‘ flow bins’ van 1 000 l op’ n wa. Aan die begin van September word die kompostee met drukpompe in die doseerlyne gepomp om dit in die wingerde te versprei.
“ Só verklein ons ons chemiese kunsmisrekening, verminder ons die insetkoste van bespuiting en beweeg ons weg van sterk chemiese middels en nader aan biologiese boerderypraktyke.