Pierre Hough, bemarkingsbestuurder van Goede Hoop Sitrus, beaam hierdie siening en glo die maatskappy se vernaamste doelwit is om maksimum waarde vir sy produsente op plaasvlak te verseker.
“ Deur die jare het ons op ons produsente bly fokus deur toegang tot van die wêreld se voorste supermarkte te skep. Dit het bogemiddelde opbrengste en langtermynverhoudings bewerkstellig. Ons het deur die jare gevind dat die enigste manier om dit reg te kry, is om sterk en volhoubare verhoudings met kliënte te bou en te verseker dat ons stabiele afsetkanale skep wat produsente in staat stel om met vertroue vir die toekoms te beplan. Dit verseker langtermynmarktoegang en skep geleenthede vir bogemiddelde opbrengste.
8. Enkele lede van Goede Hoop Sitrus se bestuurspan met wie daar onderhoude gevoer is: Van links is Nico Smuts, menslikehulpbronbestuurder; Pierre Hough, bemarkingsbestuurder; André Nel, besturende direkteur; en Wayne Murray, bedryfsbestuurder. Abrie Louw, finansiële direkteur, en Le Riche du Plessis, finansiële bestuurder, vorm ook deel van die bestuurspan, maar was nie teenwoordig tydens die fotosessie nie.