Lourier Eerste Uitgawe 2018 LOURIER TWEEDE UITGAWE DESIGN 2 met fotos | Page 14

aktueel
‘Trends’ of ‘ends’
Deur Anje du Toit
Elke skool het sy eie unieke modeneigings, maar
wat is Grens se modeneigings?
Ons skool spog met cool seuns met comb-overs
en sokkies met snaakse prentjies op hul opge-
trekte sokkies bv. Jellybeans. Seuns dra ook
roomkleurige broeke met rek onder aan met hul
strandplakkies en dan moet jy net nie die K-way-
of camo-baadjie vergeet wat saam daarmee kom
nie.
Dit is deesdae mode vir die meisies om hul hare
korter te sny en ligte strepies in te sit of om hul
hare in twee Duitse vlegsels te dra. Die styl wat
ons dames dra, is boyfriend jeans en peasent
blouses. Baie meisies dra gekleurde noupassende
jeans met ‘n eenvoudige bloes terwyl die meer
girlie girls geblomde rokkies dra.
Musiek is ‘n groot deel van die meerderheid
leerders se lewe omdat daar so ‘n wye veld van
verskillende tipes musiek is waarby almal kan
aanklank vind. Onder die leerders is Young dumb
and broke, Thunder en Perfect groot treffers asook
die musiekgroep, Die Heuwels Fantasties en Fran-
cois van Coke se liedjies. Maar die feit bly staan:
as daar ‘n lekker up-beat liedjie speel, is almal se
lywe op die dansvloer en hulle hande in die lug.
Tieners het ‘n vreemde manier om met mekaar
te praat en dit kan ‘n groot kopseer vir die ouer
geslag wees. Dit is woorde soos ‘’Hi, vriendin’’,
‘’Awe bra’’, ‘’Dit is chilled’’, ‘’Hoe lyk dinge?’’,
‘’Ek het lettelik…’’ en ‘’Ek soek…’’ is woorde wat
deur ons tieners gekenmerk word.
Ons ouers se neigings was die volgende: As jy
cool wou wees, het jy blou en wit Adidas-plakkies,
Sacony-tekkies, Snow White jeans en camo-baad-
jies gedra. Die musiek wat hulle op plate geluister
het, was musiek deur Queen, Bruce Springsteen,
Abba en Neil Diamond. Die woorde wat hulle ge-
bruik het, was woorde soos Boogie, Dynamite en
Groovy man.
Ons en ons ouers se modeneigings verskil, maar
daar is tog die camo-baadjie wat ooreenstem
asook die musiek wat baie lewendig is. Ons sien
ook dat ons ouers se voorkeure van vroeër stadig,
maar seker terugkom.
Ek voorspel dat ons volgende neiging vir kleredrag
‘n pastel kleur sal wees en ook plastiekskoene.
Binnekort sal mense ook sokkies met
plakkies dra, iets wat in ons ouers se tyd mode
was.
Modeneigings is goed en wel, maar hoekom
volg mense dit? Volgens die skrywer vir Dressful,
Eva, is daar vier redes hoekom mense algemene
neigings volg. Die eerste rede is dat mense nie
aandag aan hul persoonlike styl gee nie; hul dink
dan aan wat die nuwe neiging is, aanvaar dat dit
goed aan hul sal lyk en dra dit dan. Die tweede
rede is dat mense ander mense wil beïndruk deur
soos hul rolmodelle aan te trek. Natuurlik is daar
ook die rede dat die kinders wil inpas en by hul
vriendegroep aanvaar wil word. Die laaste rede
is nie algemeen nie, maar mense speel met die
verskillende neigings sodat hul kan sien wat hul
persoonlikheid die beste reflekteer.
So, vra jouself af: hoekom volg EK neigings of
hoekom nie? Dan bepaal jy of dit die moeite werd
is om dit te volg en of jy dit liewer moet stop.
Onthou: die klere gaan nie die wêreld verander
nie, maar die persoon wat die klere dra, kan.