08 .
ԻՆՉՊԵՍ ԱՍԵԼ « ՈՉ »
Ճարտարապետները պետք է սովորեն ասել ՈՉ : Գուցե այս հայտարարությունը ամպագոռգոռ է թվում , բայց եկեք դիտարկենք մի քանի իրավիճակ , երբ այն կարող է օգտակար լինել , թեթևացնել ձեր կյանքը , իսկ լավագույն դեպքում ՝ ապագա հաջողությունների գրավական դառնալ :
Ասել ոչ , եթե գաղափարապես համաձայն չեք պատվիրատուի հետ
Կարծում եմ բոլորս հանդիպել ենք ճարտարապետների , ովքեր շատ խելամիտ ելույթներ են ունենում , բավականաչափ տաղանդավոր են և պրոֆեսիոնալ , բայց երբեմն այնպիսի նախագծեր են իրականացնում , որ պարզապես ապշում ես : Օրինակ երբ տեսնում ես թե ինչպես են պայքարում պատմական հուշարձանների և քաղաքային միջավայրի պահպանման համար , բայց հանկարծ մի օր հենց իրենք են անում այնպիսի նախագիծ , որի դեմ արժի պայքարել : Հանդիպել եմ նաև ճարտարապետների , ովքեր արդի ճարտարապետության ջատագովներ են , բայց իրականացնում են իրենց համոզմունքներին ծայրահեղ հակառակ նախագծեր : Սովորաբար , որպես արդարացում , հնչում է հետևյալ արտահայտությունը – “ Դե ի ՞ նչ կարող եմ անել : Պետք է ընտանիք պահեմ :” : Կարծում եմ սա ամենավատ արդարացումն է : Իհարկե ՝ ճարտարապետությունը , ինչպես և ցանկացած այլ մասնագիտություն , գումար վաստակելու միջոց է , բայց համաձայնվեք , որ այս մասնագիտությունը որոշակի յուրահատկություններ ունի : Այն մեծ ազդեցություն ունի մեր առօրյաի , քաղաքային միջավայրի և մարդկանց ընկալումների վրա և չի կարող լինել պարզապես գումար վաստակելու միջոց : Մի վախեցեք հրաժարվել նախագծերից , մանավանդ եթե երիտասարդ եք և նոր եք սկսում աշխատել : Ամեն պատվեր բերում է հաջորդը : Անեք լավ նախագիծ ՝ կստանաք հաջորդ լավ պատվերը և համապատասխանաբար ՝ հակառակը : Ընդունելով ցանկացած առաջարկ ՝ մի օր կգիտակցեք , որ հայտնվել եք ճահիճում , որից շատ դժվար է դուրս գալ : Ընտրելով պատվերները և պատվիրատուներին դուք կարող եք հնարավորություն ստանալ գտնելու ձեր տեղը շուկայում և որոշ ժամանակ հետո ձեզ կդիմեն հենց այն պատվիրատուները ում դուք սպասում էիք , հենց այն տեսակի նախագծերի համար , որ դուք իսկապես ուզում եք անել ու կարող եք լավ անել :
Ասել ոչ անիրատեսական պահանջներին
Սա ոչ ասելու ամենադժվար դեպքերից է : Ձեզ դիմել են նախագծի առաջարկով , դուք շատ ոգեվորված եք , դեռ առաջին հանդիպման ժամանակ զրուցելիս մտքում նախագիծն եք