և տարբեր հետքրքրությունների մարդկանց պահանջները ։ Դրանք կարող են լինել տվյալ տեղանքի ժողովրդի մշակույթի վրա հիմնված կամ իր մեջ ներառել տարբեր ազգերի մշակույթներ ։ Թեև դրանք կրել են որոշակի փոփոխություններ, կախված մարդու պահանջների փոփոխություններից, այնուհանդերձ առկա են որոշակի հաստատուն գործառույթներ ։ Մշակութային կենտրոնների զարգացման ժամանակաշրջան էր խորհրդային տարիներին լայն տարածում ստացած և խորհրդային միության բոլոր բնակավայրերի համար նախատեսվող մշակութային օբյեկտների կառուցումը ։ Հայաստանի Հանրապետության գրեթե բոլոր բնակավայրերում դեռ խորհրդային շրջանից պահպանվել են մշակութային տների կառույցներ ։ Խորհրդային միության ժամանակ մշակութային տները / дома культуры / լայն տարածում ունեին և նախագծվում էին բոլոր համայնքներում ։ Գծագրում ներկայացված է դրանց տեղաբաշխման ուրվագիծը համայնքների համար ։ Դրանք հիմնականում տեղակայվում էին տարածաշրջանային հիմնական կենտրոններում և ենթակենտրոններում ։ Կառուցվում էին տիպարային նախագծերով, հիմնականում կենտրոններում առավել ծավալուն, իսկ ենթակենտրոններում ՝ առավել փոքր կառույցների տեսքով ։ Մշակութային տների կառուցվածքը հիմնականում հետևյալն էր.
• դահլիճ ՝ թատերական ներկայացումների, կինոդիտումների, ինչպես նաև ժողովների համար,
• խմբակների համար նախատեսված սենյակներ ։ Մշակութային տունը իր մեջ ընդգրկում էր այն բոլոր հիմքերը, որոնք խթան կհանդիսանան մարդկանց մշակութային հանգիստը ապահովելու համար ։ Կախված համայնքի բնակիչների քանակից ՝ ընտրվում էր դահլիճի տարողունակությունը, պարապմունքների սենյակների կազմը և այլն ։ Բացի տիպարային նախագծերից, կարելի է հանդիպել նաև հենց տվյալ բնակավայրի համար անհատական նախագծով կառուցված շենքերի ։ Խորհրդային միության փլուզումից հետո մշակութային տների գործունեությունը դադարեց ։ Այժմ կարելի է նկատել, թե ինչպես են Հայաստանի Հանրապետության տարբեր համայնքներում առկա լքված և չօգտագործվող մշակութային տներ, որոնք այսօր կորցրել են իրենց նշանակությունը և հիմնականում, չնչին բացառություններով, լիովին լքված կամ մասնակի գործող շենքեր են ։ Ելնելով երկրի սոցիալ- տնտեսական արդի վիճակից ՝ մշակութային տների ֆինանսավորումը մղվում է երկրորդական պլան, սակայն չի վերանում դրանց վերօգտագործման անհրաժեշտությունը ՝ հաշվի առնելով արդի պահանջները և նորմերը ։ Պահանջները բավարարելու համար կարող են ընտրվել առավել դյուրին և մատչելի տարբերակներ ։ 21-րդ դարում մշակութային կենտրոնների նախագծման փորձն ունի զգալի տարբերությունններ վերոնշյալ մշակութային տների համեմատ ՝ իր առավել խոշոր մասշտաբների և գործառույթների ավելի լայն տեսականու շնորհիվ ։ Որպես օրինակ ՝ ավելացվում են գիտաժողովների սենյակներ, էլեկտրոնային գրադարաններ և այլ ժամանակակից գործառույթներ ։ Միջազգային փորձում ևս առկա են օրինակներ, երբ ժամանակակից պայմաններին հարմարեցված են ձևավորված մշակութային օբյեկտներ ։ Շատ եվրոպական երկրներ փորձում են վերակազմավորել և հարմարեցնել լքված և չօգտագործված տարբեր գործառնական նշանակության շենքերը մշակութային