30
R.-Mira Servanda, yo contigo nun quiero discutir, porque yo siempre te quise y además tas faciendome tan feliz. Porque yo la verdá, esto nun lo conocía, pero tengo que admitir, que yes una maravilla.
S.- Mira una cosa, Ramonin y nun me des tanta coba, que si yo me axunté contigo, fue por tener compañía y nun fue por otra cosa.
R.- Pero mira que yes quisquillosa, debíamos tar siempre arrimainos, pero cada vez que nos miramos, tu mandándome facer algo y yo pensando en otra cosa.
S.- Escucha una cosa Ramón, tu desde que nacisti, fuisti un guaje mal criau, nun te facien trabayar ná, por si acababes reventau y claro eso nun podía ser, el neñu yera un galán y había que conservalu, pa les mozes conquistar.
R.- Mira la trabayaora, que esclava fue de pequeña, que apenes empezaba San Antonio y ya taba en medio la fiesta.
S.- Si, pero antes de dir pa la fiesta, había que dir a la hierba, mientres que calentaba el sol y nun déjalo como tú, sin mirar si curaba o non.
Pero claro, el chabal yera pribilegiau, había fiesta ena Puente Arriba y lo que menos importaba yera la yerba enel prau.
R.- LLevamos aquí dos hores, llamandomos casi de tó, el que yo siempre fui un bagu y que tú facieslo tó. Si tu cuando empezasti a trabayar fue al casate con Juaquin, que el probe tenía finques, vaques y dellau de casa un huertin.
S.- Mira, eso nun te lo consiento, que Juaquin siempre fue buen marido, honrrau y trabayaor y nun puedo decir lo mismo (y nun quiero mirar pa nadie), de un que se llama Ramón.
R.- Pero vamos a ver Servanda, xuntamonos fai casi ná y ya tamos discutiendo como si llevásemos una eternidad. Col’amor que yo te tengo, to la vida pesando entí, que ya en munches ocasiones me digo:¡ ay madre onde me metí.!
S.-El amor que tú me tienes, amin paezme un pocu dudosu, ahora, que siempre pensasti en mí, eso sí, lo mismo que en la gallina el raposu. Y eso nun me lo pues negar, que notase enesa cara que paez que los gueyos de ella te van saltar.
R.- Pero como nun me van saltar, si cada vez que te miro, ponesme de tal manera, que danme ganes de gritar, de brincar y hasta de cantar.
S.- Pos anda que tu cantar, sí que lo faes bien, un día que tabes llendando y pusistite a cantar, desapaicien tos los paxarinos y les vaques pal corral.