29
S.-¿Llames a esto madrugar? Son les nueve la mañana y que ye que nun oyes les vaques ena cuadra berrar?.
R.-Sí que les oigo muyer, pero tase aquí tan agusto y encima pasase tan bien.
S.-La verdá majo del alma, que muncha fame pasaste, porque lleves cuatro dis y
ni siquiera te baxaste, pero nun te preocupes hombre, que con esto entobia nun acabaste.
R.-Ay Servanda, Servanda, si yo te pillo primero………
S.- Si tu me pilles primero,a estes hores, quedavente demasiao grandes, calzoncillos, pantalones y hasta les alpargates.
R.- Bueno, voy levantame y poneme a facer algo.
S.- Algo será demasiao pocu, que con dos cuadres que tienes y catar catorce vaques, creo que vas a comer pe la tardi y a les tantes.
S.- Que ye que pensasti que toyera dai y dai?, pos tas muy equivocau, enesta casa se madruga,se fae to lo de la cuadra, se garra la gadaña y a segar a la Bauga.
R.- Pos tamos empezando bien, yo que pensé, que como yes tan trabayaora, diba yo a tener más tiempo, pa tírame a la bartola.
S.- Tu, lo de la bartola, ficistilo bastante bien, pos to la vida te pasasti, trabayando pocu, comiendo bastante y pa la cama a les diez. Pero les coses van cambiar, compañeru, ahora vas trabayar desde bien temprano hasta tardi y ya veremos a que hora vas dir pal ñeru.
R.- Bueno, vamos ver una cosa, Servanda, la vida nun ye to trabayar, hay que facer un pocu y el restu pa disfrutar.
S.- Si hombre, les faves criense soles y les patates tamien, pero llegues a la cocina y lo primero que preguntes ¿ qué tenemos pa comer?.
R.- Bueno muyer nun esajeres, que aunque nun trabaye munchu, de fame nun vas morrer, a demás pa nun morrer de una fame, pa la otra hay que comer.
S.- Bueno vale ya de chachara, que con esto de la axuntaera, lleves dis en sin dar golpe y nun pienses otra cosa que en la hora de la cena. Así que nun pienses, que va ser to nun trabayar, nin levántate bien tardi y echate tol día debaxu l’horru a dormir y a retozar.