31
R.- Ta bien Servanda, ta bien, yo nun sé cómo te arregles, que cualquier cosa que digo, tú salesme per peteneres. Col cariñu que te tengo y lo munchu que te quiero…..
S.- Si, que nun pienses otra cosa que en cenar y dir pa la cama lluego. Pero bueno Ramonín, nun ves que te tengo más que calau, que pasasti tanta fame
y ya tienes tus añinos…., que el día menos pensau vas garrar un atracón y a ver que faigo contigo.
R.- Bueno, vamos a ver Servanda, que yo también tengo mi geniu, y nun quiero sacalu contigo, porque ye munchu lo que te quiero.
S.- ¡Ja! Que tú tienes munchu geniu? Pos nun sé onde lu tienes metiu, pos por munchu que lu busco, nun se si de verdá lu tienes o tá demasiado escondiu.
R.- Riete to lo que quieras, pos eso siempre lo hiciste, reite de tos los hombres y de min que yera buenu, ficistimi burla lo que quisiste. Y recuerdo una noche que tu fuisti pa la cama y yo después de un buen trechu y al méteme allí contigo, dixite yo muy melosu: ¡mira Servanda, nun traigo calzonziellos! Y tu contestastime toa aspera: ¡bueno ahora dexame dormir y mañana ya te daré unos nuevos!. Esa noche sí que te reíste de mín, pero yo como yera tan inocente, aguanté como un prubin.
S.- Bueno hombre, nun te enfades, ni tampocu te pongas triste, que de momento ya toy contigo y consiguiste lo que quisiste.
R.- Mira eneso tienes razón, yo contigo soy muy feliz, ¿porqué nun nos comportamos igual que unos jóvenes amantes, que se quieren tou el día y po la noche duermen y se abracen?
S.- Ramón, nun te mal engañes, que ya tenemos algunos años y les coses nun son to castañes. Pero como te veo tan contentu y si de verdá yes feliz, comigo pues quédate y munchos años vivir.
R.- Ay Servanda, que allegria, pensé que nun me queries, lo que pasa ye que en esto soy algo nuevu y tú ya de vuelta venies.
S.- Que pena que nun seas más listu Ramonin, pos cada día que pasa y mirándote fijamente, en vez de paicete a un hombre, cada vez te paeces más un rapacin.
R.- Pos hablando de rapacin, ¿Qué tal taria si un día, nos pusiésemos pa la mano y tuviésemos el primeru y dir pocu a pocu criando?
S.- ¿Pero tú sabes lo que dices rapaz, tú crés que yo tengo veinte años, como voy yo a estes altures, a poneme a tener rapazos? ¿nun ves que yo ya……….?