Ktieb Festa 2020, Każin Banda San Pawl Safi Ktieb 2020, Safi, Malta | Page 73

Każin Banda San Pawl, Safi Festa 2020
u dixxiplina kbira biex jibqa’ jkun ta’ sostenn, speċjalment
dawk li ġew milquta mill-virus; min iċempel lill-qraba u
lill-ġirien biex jara kif inhuma u jekk humiex bżonn xi ħaġa;
min jagħti ideat u jieħu inizjattivi biex possibilment familji
ma jbatux ġuħ minħabba nuqqas ta’ xogħol u finanzi; min
jipprova jgħin kif jista’ fl-edukazzjoni tat-tfal, speċjalment
l-għalliema li b’sagrifiċċju minn djarhom ippruvaw
ilaħħqu mat-tagħlim ta’ uliedhom, mal-faċendi tad-dar, u
mat-tagħlim tat-tfal tal-klassi; u nistgħu nibqgħu nsemmu.
Verament kellna nadattaw u xi drabi anke nivvintaw kif
inżommu kuntatt ħaj ma’ xulxin, xi drabi anke bi sforzi kbar
u tbatija personali, li jgħinuna nitgħallmu u napprezzaw
aktar.
Ngħixu Jum Festa mhux biss ta’ Radd il-ħajr, imma
ta’ Karità u Ġenerożità
Għalhekk jekk is-soltu bħala Parroċċa niċċelebraw
festa lil San Pawl mifruxa fuq ġimgħa, din is-sena, dan
se nagħmluh permezz ta’ jum wieħed, iżda li jrid iservi
biex matul il-jiem kollha, speċjalment dawk li s-soltu
niċċelebraw fihom, niffukaw biex nimitawh aktar u aħjar.
Ħa nsejħu fuqna l-patroċinju tal-Appostlu Missierna
Pawlu biex ikompli jifrex dirgħajh fuqna lkoll, isejjaħ lill-
Ispirtu s-Santu fuqna biex jimliena bil-qawwa fid-dgħufija
tagħna, tkun xi tkun l-għamla tagħha, u biex jagħmilna
parroċċa/knisja dejjem aktar Pawlina, dejjem aktar qawwija
fit-tama li toffri.
Nitolbu għalhekk b’aktar ħeġġa din is-sena l-interċessjoni
tiegħu, ħalli waqt li nibqgħu ngawdu saħħitna, nagħrfu
niddedikawha aktar biex nikbru u nimmaturaw fl-imħabba
tagħna lejn l-oħrajn kif uriena u riedna nagħmlu l-Mulej
Ġesù, li fih u bih nistgħu naraw kif “Alla għażel id‐dgħajfa
tad‐dinja biex iħawwad il‐qawwija; għażel il‐mistmerra
mid‐dinja u n‐nies li ma huma xejn, biex iġib fix‐xejn ’il
dawk li huma xi ħaġa” [1 Kor. 1, 27-28].
U jalla, din is-sena, nagħmlu aktar tagħna l-kliem li
normalment jitkanta fl-Antifona hekk sinonima magħna
l-Pawlini, sabiex jibqa’ jħarisna minn kull periklu tar-ruħ u
l-ġisem, u jmexxina fit-triq tal-grazzja u tal-fejqan:
Sancte Paule Apostole, predicator veritatis, et doctor
gentium,
Appostlu San Pawl, xandâr tas-sewwa u mgħallem
tal-ġnus,
intercede pro nobis ad Deum, qui te elegit.
idħol għalina quddiem Alla li għażlek.
Viva San Pawl u l-Festa t-Tajba lil kulħadd!
Engineering Craft & Art
Learning Centre / Outlet, Bolts & Nuts
Mro Brian Bugeja ALCM (TD)
Mechanical Engineer
Triq il-Kuċċard, Ħal Safi
Opening hours :
Mon, Wed, Fri 4.30pm to 7.30pm
Sundays 9.00am to 12.00pm
Mob: [phone]
71