Ktieb Festa 2020, Każin Banda San Pawl Safi Ktieb 2020, Safi, Malta

Każin Banda San Pawl, Safi Festa 2020 L-Immaġni ta’ San Pawl f’Raffaello E.V. Borg F’Ruma, kien hemm wirja blockbuster fit-2 ta’ Ġunju, 2020, dwar Raffaello fl-iScuderie del Quirinale għax wara li kienet fetħet fil-5 ta’ Marzu 2020, minħabba l-virus kienet għalqet, bħala prekawzjoni kontra l-infezzjoni (ara nota²). Din il-wirja ppreżentat il-karriera artistika (1500-20) ta’ dan ilġenju waqt li l-wirja Raffaello e Urbino, fl-2009, f’Urbino kienet żvolġiet dwar l-ewwel erba’ snin fil-karriera żagħżugħa tal-artist: 1500-1504 (ara nota¹). Raffaello jippreżenta l-figura ta’ San Pawl prinċipalment fi tliet xogħlijiet. L-iżjed magħruf huwa dak iddedikat – L-Estasi ta’ Santa Ċeċilja, 1514, 220 x 136cm, Pinacoteca Nazionale, Bologna. Xogħol armonjuż, bilanċjat, klassiku. Is-suġġett huwa l-poter tal-estasi u l-mistiċiżmu li minnhom titnissel l-ispiritwalità interjuri. Il-kwadru jiddomina l-aħħar sala fil-Pinakoteka Nazzjonali, Bologna, iċċentrat fuq l-aħħar ħajt f’sens monumentali. Il-kwadru huwa conversation piece, iżda s-suġġett kien jitlob bidla radikali għax il-qaddisin u Santa Ċeċilja huma mitlufin f’estasi u għalhekk m’hemmx konnessjoni bejn il-protagonisti. Ix-xogħol huwa frontali u tinħass l-assi li taqsam il-kwadru fi tnejn. Il-bilanċ qiegħed fiż-żewġ qaddisin li jibbilanċjaw lil xulxin fuq iż-żewġ naħat ta’ Santa Ċeċilja. San Pawl jidher rakkolt, ħosbien, mistiku, b’ċerta gravitas klassika jew decorum. Il-figura tal-Madalena tistrieħ fuq sieq waħda hija serpentinata fl-istil innovatorju Manjerista, waqt li l-ħarsa ta’ San Ġwann l-Evanġelista ssammar dik ta’ Santu Wistin. B’hekk Raffaello jerġa’ jikseb unità, bilanċ u perfezzjoni. Percy Bysshe Shelly, fl-ittri tiegħu, jiddeskrivi l-ammirazzjoni għal dan il-kapolavur; Chastel jinsisti dwar l-importanza tal-mistiċiżmu u l-estasi li ffoka dwarhom Raffaello; waqt li Brizio jikteb dwar l-emozzjoni fiżika li minnha titnissel l-ispiritwalità. Vasari jsostni li l-istrumenti talmużika (natura morta ta’ ġmiel speċjali), uħud minnhom L-Estasi ta’ Santa Ċeċilja, 1514, Raffaello, Pinacoteca Nazionale, Bologna miksura, huma xogħol Giovanni da Udine, waqt li kittieba oħra jsemmu artisti oħra li x’aktarx ikkollaboraw f’din il-pittura. Fl-1798, Napuljun ordna li tittieħed Pariġi fejn fl-1801 iżżebgħa taż-żejt fuq il-panew kienet ittrasferita għal fuq it-tila. Il-katalgu Raffaello 1520-1483 jillustra din il-pittura fuq paġni 204-205, waqt li fuq paġna 206 nsibu l-abbozz (c.1514, 26.8 x 15.3 cm) għal pittura li huwa misluf mill-Musèe de Beaux- Arts de la Ville de Paris, Pariġi, Petit Palais. Fil-Victoria and Albert Museum, Londra, insibu San Pawl Jipprietka f’Ateni (Atti tal-Appostli, K.17: 16-34, 1515- 16), pittura fuq karta immuntata fuq it-tila, 390 x 440 cm. Flistess mużew hemm ukoll; Is- Sagrifiċċju f’Lystra, (Atti tal- Appostli, K14: 8-18, 1515-16), pittura fuq karta mmuntata fuq it-tila, 320 x 390 cm. Dawn huma cartoons, biex fuqhom jitfasslu u jintisġu t-tapezzeriji, ftit gimgħat ilu kienu mdendla f’posthom fil-Kappella Sistina, Ruma, għal ġimgħa sħiħa bi preparazzjoni qabel tiftaħ il-wirja f”Ruma, fil-5 ta’ Marzu, 2020. Fix-xogħol San Pawl Jipprietka f’Ateni jidher bini Klassiku għall-antika mdawwar bil-kolonni li jinħass referenza espliċita għat-Tempietto di Bramante, Tempietto di Bramante, San Pietro in Montorio, Ruma 141

Ktieb Festa 2020, Każin Banda San Pawl Safi Ktieb 2020, Safi, Malta | Page 143