Ktieb Festa 2020, Każin Banda San Pawl Safi Ktieb 2020, Safi, Malta | Page 99

Każin Banda San Pawl, Safi Festa 2020
Il-Pì: Ġużeppi Busuttil
Il-familja tiegħu kienet minn ta’ Pisuwa. Meta kiber
kien sar infermier u kien iżżewweġ lil Maria. Kienu
joqogħdu fid-dar li jisimha St Paul, 33 Triq San Pawl,
Ħal Safi.
Meta Ġużeppi kien żgħir u bil-kemm jitkellem,
il-familja kienet tipprova tgħallmu ismu billi
jippronunzjawh b’enfasi fuq l-aħħar sillaba. Allura,
minflok jgħid ismu, it-tifel kien ilissen biss Pì, li huma
l-aħħar żewġ ittri ta’ ismu!
Bħas-soltu, ta’ madwaru ggustawh u baqgħu jsejħulu
hekk. Però ma baqax bejn tal-familja biss. Diversi nies
kienu jużaw is-servizzi tiegħu ta’ infermier u hekk kienu
jsibuh, bħala ’il-Pì’.
It-Tank/it-Tonk: Karmenu Busuttil
Kien magħruf bħala Karmnu ta’ Patist ta’ Għanieni.
Iżżewweġ lil Ċetta Damato
ta’ Ċikka ż-Żurriqija u
kellhom ħamest itfal - Vince,
Anna, Carmen, Pawlu u
Marlene.
Karmnu kien ħadem għal
bosta snin mad-dipartiment
tas-saħħa f’diversi karigi,
bħala għassies u anki jagħmel
spezzjonijiet tal-ħwienet
tal-merċa. Naturalment kien
ukoll jaħdem fir-raba’ talfamilja.
Karmnu kien raġel twil,
Karmenu Busuttil, It-Tonk
(Ritratt: Ċetta Busuttil)
b’saħħtu u bieżel. Kien rama bit-trakk Bedford biex iġorr
xi ġebel. Xi żmien wara, lit-trakk ramalu tank tal-ilma
biex jissupplixxi l-ilma lill-bdiewa għat-tisqija tar-raba’.
Fir-raħal kien l-uniku wieħed armat bit-tank tal-ilma.
Allura bdew isibuh bħala Karmnu tat-Tank. U baqgħatlu
t-Tank!
Però ħabib ta’ Karmnu, li għadu mimli bil-għomor,
għandu l-idea li kienu tawh il-laqam Tank għaliex meta
kien għadu żgħir kien xi ftit imbaċċaċ!
Karmnu kien miet f’età żgħira ta’ 49 sena, tletin sena
ilu, fl-1990.
Willy: Karmenu Monreal
Fi żmien l-Ingliżi f’Malta, Ħal Safi kien miżgħud
bihom. Dawk li kienu stazzjonati l-Karwija kienu jitilgħu
fir-raħal tagħna ta’ spiss. Jaslu sal-Pjazza u jmorru filħanut
tax-xorb ta’ Ġanni
l-Ġelem (fejn illum
toqgħod Ġemma). Kienu
jitħalltu sew mal-irġiel
tal-lokal. U peress li ħafna
kienu jkunu għadhom ta’
età żgħira, ma kinitx rari
li tarahom jiġru u jilagħbu
mat-tfal fil-Pjazza u fi
Triq Santa Marija. Ittoroq
kienu jkunu siguri
mingħajr karrozzi.
Wieħed mill-Ingliżi kien
ra liċ-ċkejken Karmenu
u beda jgħajjatlu Willy.
Probabbli ma sabhiex
faċli jippronunzja
Kerminu (bl-aċċent Safi)
u kienet eħfef li jgħajjatlu
Karmenu Monreal, Willy
(Ritratt: Karmenu Monreal)
Willy - isem Ingliż komuni, fil-qosor għal William. Ġara
li minn dak in-nhar, il-familja baqgħet tgħajjatlu Willy
kif ukoll il-maġġoranza tal-Ħal Safin.
Żebgħa/Żabgħa: Nażżarenu (Żiru/Żaren) Busuttil
Bħala familja, Żiru kien minn tal-Makakka. Missieru
Nardu u ommu Maria. Ħutu kienu Ġorġ (missier iż-
Żużża), Gaspar, Nettu (ta’ Ġilarda), Toni (ta’ Ċikka ta’
Ċensu) u Pawla (omm Dun Karm Vella tal-Malamont).
Kien għadu ġuvni, meta bħal ħutu Ġorg u Gaspar kien
telaq minn Malta biex isib ix-xogħol fit-Tuneżija.
Lura Malta, u meta kellu 33 sena, Żaren kien iżżewweġ
lil Katerin Busuttil (minn tal-Gejt u ta’ Serek min-naħa
ta’ missierha) u kellhom tliet ulied: Maria miżżewġa lil
Joseph Barber, Pawla miżżewġa lil Salvu Dalli u Ninu
miżżewweġ lil Ġorġa Chetcuti minn Ħal Għaxaq. Kienu
joqogħdu fi Triq Santa Marija ġo dar antika li kont tidħol
għaliha minn ġo bitħa ħelwa, kollha pjanti u fjuri. Iddar
kienet bieb ma’ bieb mal-ħanut tal-mastrudaxxa ta’
It-trakk ta’ It-Tonk (Ritratt: Ċetta Busuttil)
Nazzarenu Busuttil, Żabgħa flimkien mal-mara tiegħu Katarin.
(Ritratt: Pawla Dalli)
97