"Koriz" # 6 | Page 3

Խմելու համար պիտանի ՞ է արդյոք քաղաքի ծորակներից հոսող ջուրը

Հեղինակ ՝ Մարիամ Գասպարյան

« Կորիզ » -ի թիմը նախորդ համարում անդրադարձել էր Դիլիջանի հանքային ջրերի բարձր որակական և բուժիչ հատկանիշներին ։ Արդյո ՞ ք նույն կերպ կարելի է որակել Դիլիջան քաղաքի ծորակից հոսող ջուրը ։ Պարզաբանելու համար « Կորիզ » -ը հարցազրույց վերցրեց բնակիչներից մի քանիսի և « Հայջրմուղկոյուղու հյուսիսարևմտյան տարածքային մասնաճյուղ » -ի Դիլիջանի տեղամասի տնօրեն Վարդան Մնացականյանի հետ ։

Դիլիջան քաղաքի « Զինավան » թաղամասի բնակիչներից մեկը նշեց , որ ծորակից հոսող ջրի գույնը և որակը փոփոխվում է դրսում տիրող եղանակից ։ Եթե դրսում անձրև է , կարկուտ , ձյուն կամ ձնհալ , ապա ջրի գույնը շատ պղտոր է լինում ։ Օրջոնոկիձե 81 շենքի բնակիչ Անահիտ Մխիթարյանը հավելեց , որ ջրի որակը շատ վատն է , նամանավանդ գարնանային , ու աշնանային շրջանում շատ անորակ և պղտոր է լինում ։ Անահիտը ծորակից հոսող ջուրը առողջության համար վտանգավոր է համարում , և իր ընտանիքը ծորակից ջուր չի խմում ։ Իսկ եղանակային փոփոխության հետ կապված ջուրը կտրում են հաճախ

Ի պատասխան բնակիչների բողոքի ՝ « Կորիզի » թիմը որոշեց հանդիպել « Հայջրմուղկոյուղու հյուսիս-արևմտյան տարածքային մասնաճյուղ » -ի Դիլիջանի տեղամասի տնօրեն Վարդան Մնացականյանի հետ ։ Հարցազրույցի ժամանակ պարոն Մնացականյան նշեց , որ քաղաքում բոլոր ջրերը սարից հոսող ջրեր են , որոնք մտնում են մաքրման կայան , վարակազերծվում են , հետո գալիս են ջրամբար , ջրամբարում կուտակվում են և տրվում բնակչությանը ։ Օրվա մեջ երկու ժամը մեկ ստուգվում է ջրի պղտորությունը և քլորի չափաբաժինը համապատասխանելու դեպքում մատակարարվում է բնակիչներին ։ Պարոն Մնացականյանը ասաց , որ ջուրը ամբողջ օրը մատակարարվում է և չի եղել այնպիսի շրջան , որ 24 ժամ ջրամատակարարում չկատարվի ։ Պարզապես երբեմն վթարներ են տեղի ունենում ։ Նա նշեց , որ գարնանը պղտորումներ են սկսվում և հետևաբար ջրանջատումներ են կատարվում ․ անջատումները անխուսափելի են , քանի որ միացման կայանները ի վիճակի չեն մաքրելու ։ Ներկայումս ջրի որակը հսկողության տակ է ։

Ինչ վերաբերում է փողոցներում հոսող աղբյուրների ջրին , նա ասաց , որ այդ ջրերը չվարակազերծված , բնական աղբյուրներից հոսող ջրեր են , որ ցանկալի է չխմել ։ Նա նշեց նաև , որ եղել է դեպք , որ « Ոսկե աղբյուրի » ջուրը խառնված է եղել կոյուղու հետ և իրենք սանէպեդկայանի հետ ստուգել և անջատել են , չնայած , որ դա իրենց իրավասությունների մեջ չի մտել ։ Իսկ հետո հավելեց ․ « Բոլոր դեպքերում սա մեր քաղաքն է և մենք պետք է վերահսկենք իրավիճակը »։

Որոշ հետաքրքիր փաստեր ջրի մասին ՝

v Լոլիկը 90 % բաղկացած է ջրից :

v Ամեն տարի , մոտ 4 միլիոն մարդ ամբողջ աշխարհում մահանում է հիվանդություններից , որոնք փոխանցվում են ջրի միջոցով :

v Ամբողջ աշխարհում ջրի միայն 1.1 % է պիտանի խմելու համար այն տեսքով , որով նա գտնվում է բնության մեջ :

v Մարդկային արյունը մոտ 6 անգամ խիտ է ջրից :

v Մեկ ավտոմեքենայի արտադրության համար ծախսվում է ավելի քան 177 000 լիտր ջուր :

v Հետազոտությունները ցույց են տվել , որ մթնոլորտում ավելի շատ քաղցրահամ ջուր կա , քան ամբողջ աշխարհի քաղցրահամ գետերի ջրերը իրար հետ վերցված :

v Կովը 1 լիտր կաթ տալու համար պետք է խմի 5 լիտր ջուր :

v Մեծահասակ մարդու մարմինը 70 % բաղկացած է ջրից :

v Մոլորակի ջրերի 3 % -ը քաղցրահամ է , 97 % -ը ՝ աղի :

v Գիտնականները եկել են այն եզրահանգման , որ ձայնը ջրում ավելի արագ է տարածվում , քան օդում :

v Ձեր տան զուգարանը ծախսում է ձեր տանը օգտագործած ջրի 35 %:

v 1կգ սուրճ արտադրելու համար պահանջվում է մոտ 22 000 լիտր ջուր :

v 300 լ ջուր է հարկավոր մեկ թերթի մեկ էջ պատրաստելու համար :

v 18 լիտր ջրի տարրան կշռում է 20 կգ :

հոսող ջուր է ։ Այն ամենամաքուր և ամենահամեղ ջուրն է ։