Դիլիջան-Լվով մշակութային համագործակցություն
Դիլիջանի համայնքային կենտրոնի( ԴՀԿ) կողմից նախաձեռնած մշակութային փոխանակման ծրագիրը Դիլիջան և Լվով քաղաքի վառ անհատականություն ունեցող պատանիներին հնարավորություն ընձեռեց կատարել անմոռանալի փոխայցելություններ ։
Օգոստոսի 19-28-ը ԴՀԿ-ի պատանի դերասանների համար պայծառ գույներով ներկվեցին ։ Դերասանները մեկնեցին Ուկրաինայի Լվով քաղաք, որտեղ իրենց « Imaginarium » թատերական ներկայացմամբ մասնակցեցին Փարաջանովի անվան փառատոնին ։ Փարաջանովի փառատոնը միջմշակութային ծրագիր էր, որտեղ տարբեր գեղարվեստական միջոցառումների միջոցով ներկայացված էր ՍՍՀ Հայաստանի և Ուկրաինայի ժողովրդական արտիստ, ռեժիսոր և նկարիչ Սերգեյ Փարաջանովի կերպարն ու գեղարվեստական գործունեությունը ։ Փառատոնի ծրագիրն ընդգրկում էր կինոդիտումներ, թատերական ներկայացումներ, գրական հանդիպումներ, քննարկումներ և վարպետաց դասեր ՝ մեծերի և փոքրերի համար ։ Փառատոնին իրենց մասնակցությունն ունեցան Հայաստանի, Բելառուսի, Վրաստանի, Ադրբեջանի, Մոլդովայի, Լեհաստանի և Ուկրաինայի ներկայացուցիչները ։
« Ուրախ եմ, որ մշակութային փոխանակման ծրագրի շրջանակներում այցելեցինք Լվով քաղաք ։ Շատ հավանեցի թե ՛ Լվովը, թե ՛ Փարաջանովի անվան փառատոնը ։ Լվովում հետաքրքրիր ժամանակ անցկացրինք, շրջայց կատարեցինք դեպի Լվովի մշակութային հետաքրքրություն ներկայացնող վայրերը և
բազմաթիվ վառ տպավորություններով վերադարձանք Դիլիջան ։ Ծրագրի շնորհիվ ձեռք բերեցինք բազմաթիվ նոր ընկերներ ։ Հպարտ եմ, որ միջազգային ասպարեզում հանդես գալու հնարավորություն ստացանք ։ Փառատոնը մասնակիցներիս դարձրեց ավելի վստահ ու համարձակ, նպաստեց մեր ինքնազարգացմանը »,- փոխայցելության ժամանակ ձեռք
բերած տպավորությունների մասին խոսեց Դիլիջանի համայնքային կենտրոնի թատերական խմբակի մասնակից Մերի Սահակյանը( 16տ.):
« Ուրախ եմ, որ ՅՈՒՆԵՍԿՕ Ուսումնառող քաղաքների համաշխարհային ցանցի անդամ Դիլիջանի և ՅՈՒՆԵՍԿՕ Ստեղծարար քաղաքների համաշխարհային ցանցի անդամ Լվովի երեխաներին միավորում է տաղանդը, ստեղծարարությունն ու գիտելիքի ծարավը »,-ասաց ԴՀԿ-ի ծրագրային տնօրեն Ռուբինա Տեր- Մարտիրոսյանը ։
Երկրորդ փոխայցելությունը տեղի ունեցավ հոկտեմբեր ամսին ։ Գերմանիայի Քաղաքացիական կրթության դաշնային գործակալության և Լվովի « Սուպուտնիկ » մշակութային կենտրոնի հետ համագործակցության արդյունքում Ուկրաինայի Լվով քաղաքի « Սուպուտնիկ » մշակութային կենտրոնից Դիլիջան այցելեցին մի խումբ պատանի երաժշտագետներ ։ Հնգօրյա մշակութային փոխանակման ծրագրի շրջանակներում պատանիներն այցելեցին
Դիլիջանի համայնքային կենտրոն, UWC Դիլիջան, նաև վանքեր, թանգարաններ, ծանոթացան Դիլիջան քաղաքին ու նրա մշակույթին ։ Համերգային ծրագրով հանդես եկան # 2 սրճարանում ։ Պատանիները Հայաստանի մշակութային արժեքներով ու տեղաբնակների բարեհամբույր և հյուրընկալ վերաբերմունքով հիացած, բազմաթիվ վառ տպավորություններով վերադարձան Լվով քաղաք ։
« Բառերով հնարավոր չէ նկարագրել երեխաների երջանկությունն ու նույնիսկ այն արցունքները, որ տեսանք նրանց դեմքերին ։ Ծրագրի շնորհիվ երեխաները փոխանակվեցին իրենց փորձով, բազմաթիվ ընկերներ և իհարկե, անմոռանալի հիշողություններ ձեռք բերեցին ։ Այստեղ ամեն ինչ հիասքանչ է ՝ բնությունը, մշակույթը, հայկական խոհանոցը, և ամենակարևորը մարդիկ ։ Կցանկանայի, որ երիտասարդների անհատական զարգացումը խթանող ու ոգեշնչող կրթական այսպիսի ծրագրերը շարունակական բնույթ կրեն և
մասնակիցների ավելի մեծ շրջանակներ ընդգրկեն »,- « Կորիզ »-ի թիմին պատմեց « Սուպուտնիկ » մշակութային կենտրոնի ներկայացուցիչ Դարյա Մագինսկայան ։
Մշակութային փոխանակման ծրագիրն իրականացվեց գերմանական « Federal Agency for Civic Education »-ի և Գերմանիայի Դաշնային Հանրապետության արտաքին գործերի նախարարության ֆինանսավորմամբ ։
Հեղինակ ՝ Ինեսա Զաքարյան, Դիլիջանի ավագ դպրոց