Manera ariba menshoná ta hopi ta e aplikashonnan mobil ku ta uzando e sistema di Voip i e kantidat aki lo oumentá! Indikashonnan. Den pasado nos a mira aplikashonnan, manera Blackberry Messenger i Whatsapp subi merkado i remplasá kasi por kompleto e sistema di SMS konvenshonal. Lo ta hopi difísil pa bo kompania di telekomunikashon blòkia e aplikashonnan aki djis pasombra nan ta pèrdiendo sèn riba nan sistema di SMS. Ademas si no bin un paro na e aktonan asin’aki e siguiente paso lo por ta ku bo kompanianan di servisio di internèt ta disidí di blòkia Whatsapp i Skype riba mobil òf pió ainda blòkia Viop riba ret fiho di internèt i Wifi.
Akshon di Fundashon pa Konsumidó
Entretantu Fundashon pa Konsumidó a papia ku Bureau Telecommunicatie & Post (BT&P) tokante di e tópiko aki i lo entregá un keho formal tokante e blokeo spesífiko di Digicel di aplikashonnan ku ta uza sistema di Voip. BT&P lo investigá e asuntu aki i lo trese posishon ofishal komo reguladó di merkado di telekomunikashon pa asina konsumidónan tin klaridat den esaki.
Punto di bista di Fundashon pa Konsumidó ta ku provedónan di internèt mester tin un posishon di “net neutrality”. Neutralidat di nèt, (tambe yamá neutralidat di nètwèrk òf neutralidat di internèt) ta e prinsipio ku kompanianan di servisio di internèt (òf provedó) i tambe por ehèmpel gobièrnu ta obligá pa trata tur data riba internèt igual, sin diskriminá òf kobra diferente montante a base di uso, kontenido, wèpsait, plataforma, aplikashon òf manera di komuniká.
Neutralidat di nèt ta esensial pa tini internèt habrí, riba kua reglanan di trato igual di data i normanan stándart i transparente ta duna konsumidó i komersiante posibilidat pa komuniká sin interferensha di un tersera parti. Restrikshon por trese kuné manipulashon i diskriminashon i kòntròl no transparente di parti di kompanianan di servisio di internèt.
Fundashon pa Konsumidó lo tene nos konsumidónan na altura di e reakshon di BT&P i di pasonan ku nos lo tuma al respekto.
Un kontribushon di:
ta blòkia