De surprise ( 2015 ) 6.7
Inherent Vice ( 2014 ) 6.7
Youth ( 2015 ) 7.3
De surprise ( 2015 ) 6.7
http :// www . imdb . com / title / tt3409440
DAVID HUNANYAN
Լիքը բան են նկարել սիրո մասին : Թվում ա էլ ասելու բան չկա : Բայց էս կինոն անկասկած կհիշվի : Երևի նրանից ա , որ հոլանդացիներն են նկարել : Ոչ մի խճճված շերտավորում : Ինչ ներկայացվում ա սցենարի մեջ , պարզ ա , բայց էնքան պարզ , որ սիրուն ա : Եթե դիտողը դեպրեսիայի մեջ ա , ավելի կհավանի : Դա չի նշանակում , որ տխուր կինո ա : Սցենարն անկանխատեսելի ա ու ավանդական դարձած էքշն հնարքները չեն կիրառվել դրա համար : Աղջիկն ու տղեն էլ ցնցող , ստերեոտիպային գեղեցկություն չունեն :
Inherent Vice ( 2014 ) 6.7
http :// www . imdb . com / title / tt1791528
DAVID HUNANYAN
Առնվազն մի քանի րոպե անհրաժեշտ ա ՝ հերոսների խոսքը հասկանալ սկսելու համար : Եվ դա այն պատճառով չէ , որ բարդ մտքեր են շահարկվում : Պարզապես , կինոդիտողին մատուցվող տեղեկությունները խիտ են և անընդհատ , ինչը ստիպում է ֆիլմը նայել առանց շեղվելու : Դետեկտիվի դեպքում դա առավել մեծ լարվածություն է ստեղծում : Հնարավորինս փորձ է արվել իրական ներկայացնել ծխած մարդու մտածելակերպը : Որոշ դրվագներ իրատեսական չեն . կարծես հնաոճ են համարել ցույց տալ այն ինչ պետք է եղած լիներ և անմիջապես ներկայացրել են դրանց այլըտրանքային տարբերակը հուզական հարթության մեջ : Ավելացրեք դրան մասնավոր խուզարկուի կերպարը և կստացվի բավականին գրավիչ կինո : Այս ամենից պարզ է դառնում , որ դերասաններից պահանջվել է մեծ վարպետություն , ու նրանց ընտրությունը պատահական չէ : Մի խոսքով , սովորական դետեկտիվ ՝ հերոսների հոյակապ մշակված կերպարներով , սյուժեի հետաքրքիր և կտրուկ զարգացմամբ ( նրա վրա հղումով , որ “ ազդեցության տակ ” մարդիկ արագ են մտածում ):
Youth ( 2015 ) 7.3
http :// www . imdb . com / title / tt3312830
DAVID HUNANYAN
Կինոն նայելուց հետո հասկացա , որ վաղուց նման բան չէի տեսել : Շուտվանից չեն նկարել ֆիլմ համընդգրկուն գաղափարի մասին ( բացի սիրուց , իհարկե )՝ մեծ դերասանների ներգրավմամբ : Յուրաքանչյուր դրվագ ունի իր թաքնված իմաստը , որը ստանում է իր բացատրությունը հաջորդ տեսարանում : Նույնիսկ դերասաններից մի քանիսը պատահական չեն ընտրված . հերոսի ներքին խնդիրները մասամբ համընկնում են դերասանի իրական կյանքի հետ : Երկխոսությունները շատ լավն են : Նկատվում է որակով հումոր : Ավելին , սյուժեի զարգացումը , ֆիլմի մեջ ներդրված իմաստը մատուցված է նուրբ կերպով և բացահայտվում է ոչ ակնհայտ , բայց տեսանելի եղանակով : Երիտասարդության գաղափարը շատ սցենարներում է շահարկվում , բայց չեմ հիշում որևիցե կինո , որ ամբողջությամբ նվիրված լինի դրան : Եվ մի բան , ֆիլմում գլխավոր հերոսները ծեր են , բայց չեն վախենում ֆիզիոլոգիական ծերությունից , ու սցենարի շքեղությունն այն է , որ այդ միտքը չի ներկայացվում ծեծված կերպով . ոչ ոք չի “ տառապում ” խելահեղ ապրելակերպով :
35