Rinia studentore është ngritur e tëra në protestë. 46 studentë të Universitetit“ Eqrem Çabej” në qytetin e Gjirokastrës filluan grevën e urisë. Po këtë mbrëmje, më datën 28 shkurt, një fugon i quajtur i SHIK-ut provokoi studentët e grevës së urisë të Universitetit të Vlorës. Ata ndërhynë për të rrëmbyer studentët. Menjëherë pas kësaj qyteti i Vlorës zbriti në shesh, pranë studentëve. Njerëzit sulmuan selinë e SHIK-ut duke e djegur atë. Të dy palët, populli dhe qeveria qenë të armatosur. Atë natë“ vriten 9 veta, plagosen 30 të tjerë dhe kapen rob disa oficerë të SHIK-ut.” 17
Një grup intelektualësh të pavarur nga partitë politike i drejtohen forcave të policisë dhe të ushtrisë:“ Ndal politikës. Krimi ndjell krimin. U bëjmë thirrje ushtarëve, oficerëve dhe punonjësve të policisë në të gjitha nivelet, të mos kthehen në vegla të dhunës, të një grupi politikanësh kundër popullit, kundër vëllezërve dhe motrave të tyre në fatkeqësi”. 18
Ndërkohë, Thirrja e“ Forumit për Demokraci” drejtuar gjithë efektivave të Forcave të Armatosura të Shqipërisë buçiste:“ Kundërshtoni urdhrat kriminale të urdhëruesve”. 19 Nga qyteti i Vlorës, 200 nëna intelektuale i kthejnë shpresat e humbura nga përtej oqeanit, nga vendi i demokracisë botërore, te Shtetet e Bashkuara të Amerikës. Ato i drejtohen Hillari Klintonit me thirrjen e fuqishme të nënës në shkretëtirë:” Na ndihmo Amerikë. Kemi humbur gjithçka”. 20
Edhe inteligjenca e ushtrisë nuk mund të mos përfshihej në këtë katrahurë. Pedagogët e Akademisë së Mbrojtjes, djepi i dijes dhe kulturës së Forcave të Armatosura të Shqipërisë, i kërkuan me këmbëngulje Ministrit të Mbrojtjes dhe Sekretarit të Shtetit, me argumente profesioniste dhe si ushtarakë të lartë të ushtrisë:“ Të ofrohet zgjidhja politike”, 21 duke mos marrë përsipër futjen e ushtrisë në qorrsokakun që përgatitej. Ndërkohë krimi u shtri edhe kundër medies. Në versione të çuditshme u dogj dhe u shkatërrua redaksia e gazetës së pavarur“ Koha Jonë”, gazeta më e shitura dhe më e lexuara në Shqipëri gjatë asaj kohe. Flakët e zjarrit i shkaktojnë asaj një humbje ekonomike prej 191 900 dollarë. 22
Në mëngjesin e ditë së parë të pranverës 1997, qeveria dhe Komandanti nuk e dinin se cili qytet ishte nën kontrollin e pushtetit zyrtar. Në pasditet e 1 marsit 1997, Presidenti shpall gjendjen e jashtëzakonshme në të gjithë Shqipërinë. Komandanti i
17
Gazeta‘’ Koha Jonë’’, datë 28 shkurt 1997.
18
Blendi, FEVZIU, libër i cituar, f. 197. Ndërsa Gazeta‘’ Koha Jonë’’, datë 01 mars 1997, në artikullin kryesor:‘’ Vlora mbytet në gjak’’, flet‘’ për 3 të vrarë dhe 20 të plagosur’’.( H. R.).
19
Gazeta‘’ Koha Jonë’’, datë 30 janar 1997.
20
Gazeta‘’ Koha Jonë’’, datë 12 shkurt 1997.
21
Gazeta‘’ Ushtria dhe Koha’’, datë 25 tetor 1997.
22
Gazeta‘’ Koha Jonë’’, datë 15 shkurt 1997.
7