Drejtoria i ka kompetencat vijuese :
- grumbullon , përpunon , analizon , ruan dhe dorëzon të dhëna të marra nga subjektet në bazë të ligjit ; - grumbullon të dhëna dhe informata financiare , administrative dhe të dhëna dhe informata tjera ,
të nevojshme për realizimin e kompetencave të tyre ;
- përpilon dhe dorëzon raporte në organet shtetërore kompetente , gjithmonë kur ekzistojnë baza për dyshim për vepër të kryer penale pastrim parash dhe financim të terrorizmit ;
- përpilon dhe dorëzon njoftim në organet shtetërore kompetente për ekzistimin e bazave të dyshimit për vepër tjetër të kryer penale ;
- i lëshon urdhëresë me shkrim subjektit me të cilin e mban përkohësisht transaksionin ;
- paraqet kërkesë për t ' i paraqitur propozim për përcaktimin e masave të përkohshme prokurorit publik kompetent ;
- subjektit i parashtron urdhëresë për ndjekje të marrëdhënies afariste ;
- paraqet kërkesë për ngritje të procedurës për kundërvajtje në gjykatën kompetente .
Për zbuluesit financiarë në Drejtori zbatohet ligji për parandalim të pastrimit të parave dhe financimit të terrorizmit , ligji për marrëdhëniet e punës , ligji për të punësuarit në sektorin publik dhe rregullat nga sfera e sigurimit shëndetësor , pensional dhe invalidor dhe Marrëveshja e përgjithshme kolektive për sektorin publik .
Për kryerjen e kompetencave të veta , Drejtoria mund të kërkojë të dhëna edhe dokumentacion nga organet shtetërore , institucionet financiare ose persona tjerë juridikë dhe fizikë . Për kryerjen e kompetencave të veta , Drejtoria merr të dhëna , për posedimin e llogarisë së transaksionit nga shtëpi kliringu të përcaktuar nga Ministria e Financave që e mban regjistrin unik të llogarive të transaksionit . Drejtoria është e obliguar që t ' i ruajë të dhënat ose raportet që kanë të bëjnë me transaksionin , respektivisht klientin konkret , së paku pesë vjet nga pranimi i tyre dhe pas kalimit të kësaj periudhe mund t ' i asgjësojë . Çdo herë kur ekzistojnë baza për dyshim për vepër penale të kryer të pastrimit të parave dhe financimit të terrorizimit , Drejtoria menjëherë përgatit dhe parashtron raport te organet kompetente shtetërore të cilat vendosin për veprime të mëtejshme .
Gjatë ekzistimit të dyshimit për vepër penale pastrim i parave ose financim i terrorizimit , Drejtoria mund të parashtrojë te prokurori publik kompetent kërkesë për parashtrimin e propozimit për përcaktimin e masave të përkohshme . Drejtoria pa prolongim e dorëzon te subjekti urdhrin me shkrim për mbajtje të përkohshme të transaksionit . Mbajtja e transaksionit zgjat deri në miratimin e vendimit gjyqësor për propozimin , e më së shumti 72 orë nga mbajtja transaksionit .