popullsinë e Kosovës . Detyra tjetër është të promovoj para qytetareve të saj rëndësinë dhe interesat që ka shteti i Kosovës për tu anëtarësuar në BE dhe në këtë mënyrë do të fitohej mbështetja qytetare . Nevojitet dhe përforcimi i Kapacitetit administrativ sepse rruga për anëtarësim në BE kërkon kapacitete të fuqishme administrative për të përmbushur detyrimet që i përcakton BE-ja çdo shteti për tu anëtarësuar .
4.1 Kosova drejt përmbushjes së Kritereve të Kopenhagës dhe Standardeve të
Madridit Kriteri politik i cili kërkon krijimin e institucioneve stabile , zhvillimin e demokracisë , respektimin e të drejtave të njeriut dhe minoriteteve , krijimin e shtetit ligjor etj . Republika e Kosovës për ta përmbushur me sukses kriterin politik duhet që të fokusohet tek konsolidimi i shtetit , përhapja e demokracisë në të gjithë shtetin dhe respektimin e të drejtave të njeriut që përfshin lirit themelore siç janë e drejta për të jetuar e drejta për tu arsimuar e drejta për shprehjen e mendimit të lirë . Po ashtu nevojitet respektimi i të drejtave të minoriteteve dhe trajtimi i tyre i barabartë me shumicën shqiptare . Krijimi i shtetit të së drejtës është një detyrë tjetër për shtetin e Kosovës , pra krijimi i një shteti ligjor ku askush nuk do të ishte mbi ligjin , ku ligjet e njëjta do të vlenin për të gjithë . Të gjitha detyrimet që dalin nga kriteri politik , Kosova i ka të shkruara në Kushtetutë , por prioritet primar duhet të jetë zbatimi i tyre në praktik . Kriteri Ekonomik kërkon plotësimin e standardeve ekonomike të vendosura nga BE , këto kritere standarde kanë të bëjnë me tregun e lirë dhe krijimin e kapaciteteve ekonomike për të konkurruar me vendet e tjera të BE-së . Për të përmbushur në tersi kriterin ekonomik , Kosovës i nevojitet forcimi i sektorit ekonomik sepse sektori ekonomik i Kosovës krahasuar me vendet anëtare të BE-së është mjaft i dobët . Hapja e tregut dhe bashkëpunimi ekonomik me vendet e tjera është i domosdoshëm andaj Kosova duhet të orientohet kah bashkëpunimi ekonomik . Po ashtu Kosova duhet të siguroj një rritje ekonomike çka do të krijonte një stabilitet ekonomik të qëndrueshëm . Duke përdorur këtë strategji ekonomike Kosova do të arrinte qe me sukses të plotësonte standardet ekonomike të kërkuara nga BE .