BROKKIES | NUUS
Sterk groei in witmielies
Witmielies dra’ n groot deel van die verwagte groei in die mielie-oes. Die produksieskatting is op 9,18 miljoen ton gestel, sowat 7,98 % meer as die 8,5 miljoen ton wat in 2025 geoes is.
Die jongste skatting is ook 94 040 ton hoër as die vorige maand se raming.
Die verwagte gemiddelde opbrengs vir witmielies is 5,46 t / ha, met ongeveer 1,66 miljoen ha wat aangeplant is.
9,18 miljoen ton verwagte witmielie-oes Sowat 7,98 % meer as in 2025.
Geelmielie-oes laer as verlede seisoen
Die geelmielieskatting het sedert die vorige raming verbeter en staan nou op 7,89 miljoen ton. Dit is 134 900 ton, oftewel 1,74 %, meer as die derde produksieskatting.
Die verwagte oes bly egter sowat 4,13 % kleiner as die 8,23 miljoen ton wat in 2025 geproduseer is.
Geelmielies is’ n belangrike grondstof in veevoer, wat beteken dat melk-, vleis-, vark- en pluimveeprodusente die ontwikkeling van dié oes fyn sal dophou. Die omvang van die totale mielie-oes is positief, maar die kleiner geelmielieaanbod teenoor verlede seisoen bring’ n belangrike nuanse na die voermark.
Die gemiddelde geelmielie-opbrengs word op 7,50 t / ha geraam.
Rekordsojaboonoes op pad
Sojabone is nog een van die uitstaande gewasse in die verslag. Die produksieskatting is met 102 275 ton verhoog tot 2,91 miljoen ton.
JUN 2026 GROND TOT MOND 25