NUUS | BROKKIES
Die proses is intensief: voorkoms, aroma, tekstuur, mondgevoel en smaak word alles beoordeel voordat’ n kaas Brons, Silwer of Goud ontvang. Elke tafel kies ook een uitsonderlike kaas vir’ n Super Goudnommer, waarna’ n elitejurie van 14 kenners die heel beste uit dié groep identifiseer om die uiteindelike wêreldkampioen te kroon.
Dalewood Fromage se Boland skitter met Super Goud
Die grootste Suid- Afrikaanse prestasie vanjaar was Dalewood Fromage se Boland, wat’ n gesogte Super Goud-toekenning verower het – een van die hoogste eerbewyse wat’ n kaas internasionaal kan ontvang.
Boland,’ n halfharde gewasdekorskaas in die styl van Port Salut, word met’ n kenmerkende sagte, hartig-soet geur en romerige mondgevoel beskryf. Dit is die resultaat van toegewyde vakmanskap, streng produksiestandaarde en generasies se kennis wat in Dalewood se familiebedryf ingebed is. Hul sukses bevestig dat klein Suid-Afrikaanse produsente wêreldwyd meeding met die heel beste.
Goud vir Fairview, Dalewood en Klein River
Suid-Afrikaanse kase wat hierdie jaar Goud ontvang het, sluit Fairview se Chevre Roue, Dalewood Fromage se Huguenot en Klein River se Gruberg( 6 maande gerype) in. Hierdie kase verteenwoordig
30 GROND TOT MOND DES 2025 | JAN 2026