97
mill-Banda Leone. L-Isqof qiegħed u bierek l-ewwel
ġebla li kienet tiżen tunnellata. F’ħofra li tħaffret f’din
il-ġebla, huwa poġġa xi muniti tad-deheb u tal-fidda,
medalji tal-qaddisin u tubu tal-ħġieġ li fih kien hemm ilparċmina
li tfakkar it-tqegħid ta’ din il-ġebla. Ix-xogħol
fuq il-knisja l-ġdida ssokta ġmielu, tant illi fis-16 ta’ Lulju
1964 sar l-ewwel ċirku tal-koppla l-kbira. X’aktarx dan
kien l-iktar proġett kbir li sar f’temp ta’ ġurnata waħda
tant li ħa elf u tliet mitt xkora siment u fih ħadmu mitejn
u ħamsin persuna. Fl-4.30am ingħataw it-tiri li ħabbru
l-bidu ta’ din il-ġurnata xogħol li ntemmet fis-7.00pm,
kollox taħt is-superviżjoni tal-Perit Damato.
Il-poplu flimkien mal-emigranti Xewkin baqgħu
jikkontribwixxu bi ġbir ta’ flus, bhejjem u prodotti
agrikoli u s-sajjieda kienu anke joffru sehem missajda
tagħhom. Kull ġimgħa kienet issir ‘il-ġabra
tax-xelin’ minn kull familja li kienet ta’ għajnuna kbira
sabiex tkopri l-finanzjarjament ta’ dan il-proġett jekk
ambizzjuż.
Kull mibdi mitmum u t-tempju monumentali ta’ San
Ġwann Battista tlesta mill-bini tiegħu. Fil-31 ta’ Mejju
1970 sar it-tqiegħed tas-salib fuq il-koppla. Dan issalib
twil tmien piedi u wiesa’ sitt piedi, tqiegħed fuq
trakk dekorat bil-liedna u l-weraq tar-rand, dar mattoroq
prinċipali tar-raħal sa ħdejn il-mitħna, minn fejn
tmintax-il sena qabel ix-Xewkin laqgħu lill-Isqof Pace
biex isir it-tberik tal-ewwel ġebla. In-Nunzju Apostoliku
Mons. G. Majoli kien skortat minn ħdejn il-mitħna minn
għadd ta’ żwiemel u muturi sal-misraħ ewlieni, fost iddaqq
ferrieħi tal-Banda Prekursur, daqq ta’ qniepen u
nar tal-ajru. Żgur li l-pjazza qatt ma rat folla hekk kbira
daqs dakinhar. Wara diskors sabiħ tal-okkażjoni mill-
Wisq Reverendu Arċipriet Grech, sar it-tberik tas-salib
min-Nunzju Apostoliku. Fost iċ-ċapċip kbir u għajjat
ta’ evviva s-salib ġie meħud minn ġol-pjazza u mtella’
bilmod għal fuq il-boċċa tal-lanterna li fiha għoli ta’
245 pied.
Illum, ħamsin sena wara t-tqiegħed tas-salib,
imqiegħed fuq il-boċċa tal-lanterna li tistrieħ fuq ilkoppla
maestuża, xogħol l-imgħallem Ġużepp Vella,
dan is-simbolu ta’ kristjaneżmu huwa xhieda ta’ fidi u
ta’ mħabba li l-poplu Xewki għandu lejn San Ġwann
Battista - propju kif hemm imnaqqax fuq il-portiku
tar-Rotunda “TEMPLUM SANCTO JOANNI BAPTISTAE
DICATUM”.