74
ta’ inkoraġġament li jagħtuna sabiex, bil-limitazzjonjiet
kollha tagħna nkomplu naħdmu. Ringrazzjament ieħor
jmur lejn l-isponsors kollha li jinsabu fuq il-kalendarju
u nħeġġiġkom tagħmlu użu mill-prodotti tagħhom
għax jekk ma jkunux dawn in-nies b’qalb tad-deheb
nassigurakom li l-festa tnaqqas ħafna mis-sbuħija f’dak
li għandu x’jaqsam ma’ nar. Peress li aħna nixtru n-nar
kollu lest, l-ispejjeż huma kbar u kull sena jiżdiedu
speċjalment fejn jidħlu assikurazzjoni, ġarr bil-baħar,
skorti tal-pulizija u ħafna spejjeż oħra relatati.
Tajjeb insemmi li bħala attivitajiet kellhom jieqfu ħesrem
malli bdew ħerġin id-direttivi mid-dipartiment tassaħħa.
Għalhekk, bħala ħidma għal din is-sena kellha
tieqaf ħesrem, u nerġgħu nibdew biss ladarba jkollna
direttivi li huwa sigur li torganizza attività. Dan b’rispett
l-ewwel u qabel kollox lejn il-familji tal-membri kollha
tal-kumitat kif ukoll lejkom ix-Xewkin li dejjem ilqajtuna
b’entużjażmu sabiex dejjem inkunu nistgħu nagħmlu
festa kif jixraq lill-patrun tagħna San Ġwann Battista.
Fl-aħħar nett ringrazzjament speċjali jmur għal Mons.
Arċipriet Daniel Xerri li bħal dejjem kien ta’ spalla għalina
u hekk reġa’ kien issa f’dan il-mument li hu tant diffiċli għal
kulħadd. Minn hawn inħeġġiġkom sabiex tgħinu kif tistgħu
lill-parroċċa tagħna u r-radju tal-komunità Radju Prekursur
li tul il-pandemija baqgħu għaddejjin b’xogħolhom u
saħansitra żiedu. Il-festa tmur u tiġi u din is-sena l-murtali
tal-kulur se jkunu t-talb tagħna lil San Ġwann sabiex
jgħaddi kollox b’wiċċ il-ġid u nerġgħu niċċelebraw kif jixraq
il-kbir patrun tagħna San Ġwann Battista li bħalma għamel
dejjem, dejjem żamm idejh fuqna!