73
Is-sena 2020 kellha tkun sinonima mal-175 sena
anniversarju tal-istatwa artistika ta’ San Ġwann Battista.
Però, il-Covid-19 irnexxielu jisfratta l-festi lil kulħadd. Min
qatt kellu jobsor li din is-sena mhux se niċċelebraw festa
bħas-soltu? Qatt f’mitt sena ma kien jgħaddilna minn
moħħna, però ċ-ċirkostanzi ddettawlna mod ieħor.
Sa minn Awwissu 2019 konna diġà bdejna bl-attivatijiet
relatati mal-festa tas-sena ta’ wara. Fil-fatt f’Awwissu
għamilna l-ġabra annwali b’risq il-festa tal-Martirju
tal-Battista biex b’hekk irnexxielna nagħmlu festa
oħra żgħira f’Awwissu wkoll. Minn hemm komplew
l-attivitajiet, fosthom il-barbikju annwali tal-Vitorja. Dan
isir fit-terrazzin tal-Universal Sports Restaurant li ta’ kull
sena joffrilna d-disponibilità kollha sabiex avveniment
bħal dan jirnexxi u nkunu nistgħu naraw in-nar kollu li
jinħaraq fil-festa tal-Vitorja.
Importanti li min ikun interessat li jattendi xi attività
jagħmel kuntatt magħna jew mal-uffiċċju parrokkjali
sabiex tkunu tistgħu tgħaddulna d-dettalji tagħkom.
Innutajna li minn sena għall-oħra avvenimenti bħal
dawn jinżlu tajjeb mal-familji Xewkin għalhekk qed
inkomplu naħdmu sabiex nagħmlu żgur li jibqgħu
jsiru, mingħajr ma ntellfu ebda kumitat ieħor li bħalna
huwa involut fl-organizzazzjoni tal-festa. Dan jista’ jsir
biss permezz tal-għaqda li hemm bejn il-kumitati kollha
li issa jinsabu taħt kappa waħda, il-kumitat ċentrali li,
b’laqgħat regolari tul is-sena kollha jiġu organizzati
l-attivitajiet kollha mingħajr ma wieħed itellef lil ieħor.
Attività prinċipali li tajna sehemna flimkien mal-kumitat
ċentrali kien il-Christmas Market li ttella’ għall-ewwel
darba fil-pjazza prinċipali tax-Xewkija. Kellha tkun
waħda mill-isbaħ attivitajiet għax-xahar ta’ Diċembru,
però t-temp ukoll prova jisfrattana xi ftit. Imma minkejja
kollox, il-kummenti kienu pożittivi li jimlewna b’kuraġġ
għall-futur. Komplejna wkoll bil-coffee mornings bħala
ġbir ta’ fondi għan-nar tal-festa. Ta’ dan nirringrazzjaw
lill-helpers kollha nisa li jagħtuna daqqa t’id.
Minn hemm komplejna bl-attivitajiet tagħna bħala
Għaqda Dilettanti tan-Nar, fosthom l-ikla tal-Milied,
it-tqassim tal-kalendarju bieb bieb mar-raħal kollu
kif ukoll il-ġbir li jsir mid-djar kollha tax-Xewkija.
Minn hawn insellem lil dawk kollha li dejjem tawna
l-appoġġ tagħhom fil-ġbir li nagħmlu kif ukoll il-kliem
ĦiDMet l-gĦaqDiet Xewkin
għaqda dilettanti
tan-nar
Josef Hili - President