72
wkoll sitt pari kruċetti għall-bandalori u żewġ simboli
għall-anġli - ix-xapla u l-manara.
Ġewwa l-maħżen, ġew miżbugħa l-antarolji ta’ Triq
il-Knisja u l-invelaturi kollha tat-trofej u l-pedestalli
tal-pjazza ukoll. Beda x-xoghol fuq it-taraġ tal-Pedestall
il-kbir tal-pjazza flimkien mal-mastrudaxxa Anthony
Galea u bl-għajnuna ta’ Louis Attard. Inbidlu wkoll,
l-għaxar antarjoli ta’ Triq il-Ħamrija f’oħrajn ġodda
minn Joe Misfud. Din is-sena, wkoll, bdejna proġett li
ser jitgawda kull nhar il-Ġimgħa tal-Festa fuq disinn
tal-Kav. Michael Camilleri Cauchi.
L-Għaqda għamlet numru ta’ attivitajiet bi skop ta’
ġbir ta’ fondi, fosthom tlett ikliet: fil-festa tal-Martirju
f’Awwissu, fil-festa ta’ San Martin f’Novembru u Fenkata
fi Frar. Apparti dawn, saru coffee mornings u high teas.
Ġiet organizzata lotterija fi żmien il-Milied u ta’ kull
xahar issir lotterija tal-prima. Hawnhekk irodd ħajr
lill-poplu Xewki għal qalb ġeneruża tiegħu. Grazzi lil
dawk kollha li matul is-sena jagħtu l-ħin u dedikazzjoni
kontinuwa tagħhom, sabiex nkomplu insebbħu l-armar
tal-Festa ad unur il-Patrun tagħna.
Viva San Ġwann Battista