71
ĦiDMet l-gĦaqDiet Xewkin
Mill-Għaqda Armar
Xewkija
cHarlon cutaJar - PrO
Għaddiet sena oħra ħbieb, u għal darb’oħra qiegħed
naqsam magħkom il-qarrejja, il-ħidma tal-Għaqda
Armar Xewkija matul din is-sena. Wara li nhar it-Tnejn,
23 ta’ Settembru 2019 saret il-laqgħa Ġenerali
Annwali fejn inħatar il-kumitat ġdid, dlonk tkompla
x-xogħol ġewwa l-Maħżen tal-Armar.
Kif jaf kulħadd, aħna x-Xewkin magħrufin għan-numru
kbir ta’ pavaljuni tad-dawl għalhekk komplejna bixxogħol
ta’ manutenzjoni. Din is-sena kien imiss lis-seba’
pavaljuni li jintramaw fi Triq l-Indipendenza. Dan kien
jinkludi brix, tibdil ta’ holders kif ukoll żebgħa tal-istess
pavaljuni.
L-Għaqda Armar Xewkija kompliet il-proġett ambizzjuż
dak ta’ erbatax -il bandalora għal Triq il-Knisja, fuq
disinn ta’ Joseph Cauchi. Wara li fil-festa li għaddiet,
inawgurajna l-ewwel żewġt bandalori bil-pittura ta’
Adonai Camilleri Cauchi, lestejna x-xogħol tad-drapp
bl-għajnuna ta’ xi membri tal-Kumitat Żgħażagħ Brijużi
Xewkin u l-ħajjata voluntiera Xewkin. Ġew sfumati, sitt
bandalori u sitt sopraporti minn Josef Camilleri, u tnaxil
anġlu fuq it-tila min Noel Debono. Sabiex kollox jkun
komplut, saret induratura fuq tnejn u għoxrin mazzetta.
Matul din is-sena, tkompla r-restawr u tisbiħ fuq ittrofej
u l-kolonni ta’ Triq il-Knisja. Inħadmu l-aħħar
żewġt armi flimkien ma’ żewġt trofej. Fuq disinni ta’
James Azzopardi, sar xogħol kbir fil-fiber minn xi
membri, fejn saru erbgħa u għoxrin disinn u erbgħa
u għoxrin pendent għal kolonni, kif ukoll erbgħa u
għoxrin disinn u tmienja u erbgħin pendent għattrofej.
Ġew restawrati wkoll l-aħħar żewġ anġli minn
James Azzopardi sa biex issa is-sett huwa komplut.
Biex ikompli jisebbaħ l-armar f’din it-triq, ġew mfassla
wkoll tmin settijiet ta’ erba’ bnadar dawk ta’ Malta, tal-
Papa, tal-Kavallieri u tal-Fidi. Dawn qegħdin jinħietu
volontarjament, minn-nisa Xewkin. Bdejna wkoll, sett
ta’ erbatax -il labarda fuq disinn ta’ Joseph Cauchi,
xogħol flis-stainless steel ta’ Johnny Micallef, li ħadem