70
ħabbret li fuq deċiżjoni personali, is-Surmast Direttur
Anthony Borg kien ser jieqaf minn dan l-inkarigu. Filprogramm
mużikali fil-ġimgħa tal-festa, quddiem issede
tagħna, ħabbarna wkoll is-seba’ surmast direttur
tal-banda tagħna, propju lil Mro Mark Gauci, li f’dawn
l-aħħar snin kien ukoll l-assistent surmast, kif ukoll
għalliem tal-istrumenti tar-ramm.
Fix-xhur tas-sajf il-kumitat ħatar lil Marvin Grech bħala
assistent tal-Banda Prekursur. Bħal Mro Mark, Marvin
m’għandu bżonn l-ebda introduzzjoni għaliex ilu
involut mal-Banda Prekursur għal bosta snin, b’mod
partikolari fit-tagħlim tal-istrumenti tal-qasba.
Matul l-2019 u anki fl-ewwel xhur tas-sena 2020,
kompliet għaddejja l-ħidma bla waqfien fis-sede
tagħna, fejn saru diversi proġetti. Il-proġett ewlieni
kien dak tar-rinovar u restawr tal-kaxxa tat-taraġ
tal-każin, fejn tneħħiet iż-żebgħa u nkixfet il-ġebla.
Saret installazzjoni ġdida tad-dawl u tikħil u tiswijiet
neċessarji. Proġett li kompla jikkumplimenta ferm dak
tal-intrata tal-każin. Il-ħidma kompliet billi fl-2019 ġiet
ikkummissjonata u installata boxxla ġdida tal-injam,
propju bejn l-intrata u l-kaxxa tat-taraġ. Sar ukoll
xogħol ta’ tisbiħ u żebgħa fis-sala t’isfel, liema sala tista’
tintuża għall-wirjiet, tagħlim, korsijiet eċċ. Kif sar dan
ix-xogħol, beda xogħol ta’ tisbiħ u tibjid fl-area tal-bar,
liema xogħol sar mill-barman tal-każin. Dan ix-xogħol
ta’ dehra ferm isbaħ lill-bar tal-każin u kkumplimenta
wkoll ix-xogħol kollu li sar mis-Soċjetà fl-intrata, filkaxxa
tat-taraġ u fis-sala ta’ isfel.
Nagħlaq billi nirringrazzja lil dawk kollha li b’xi mod
jew ieħor jagħtu l-għajnuna tagħhom lis-Soċjetà, lillbandisti
tas-servizz kontinwu tagħhom, lis-surmastrijiet
tat-tagħlim, lis-Surmast Anthony Borg tal-ħidma kbira fi
ħdan is-Soċjetà, lis-sottokumitati tax-xogħol u s-sehem
tagħhom fi ħdan il-Banda, lil sħabi membri tal-kumitat
u fl-aħħar u mhux l-inqas lilkom tal-appoġġ kontinwu
tagħkom fl-attivitajiet li ntellgħu. Mingħajr l-għajnuna
u s-sapport tagħkom żgur li l-ħidma tagħna ma tkunx
waħda kompluta.
Il-festa t-tajba lil kulħadd!