65
ĦiDMet gĦaqDiet reliġJużi
M.U.S.E.U.M. - SEZZJONI SUBIEN
superJur toni griMa
Ġwanni l-Battista…
X’għandu speċjali għalina f’din is-sena?
Għalina x-Xewkin, din hija sena speċjali. Qegħdin infakkru
l-175 sena minn meta Pietru Pawl Azzopardi skolpa flinjam
ix-xbieha tal-Prekursur tal-Mulej. Sa minn dakinhar
li waslet fir-raħal tagħna u matul il-medda tas-snin,
din l-istatwa tal-Patrun tagħna dejjem ġiet miżmuma
b’għożża u bi mħabba kbira.
Tgħid x’qed jitlob minnha Ġwanni f’din is-sena speċjali?
Żgur li festi kbar ma nistgħux nagħmlulu minħabba
s-sitwazzjoni li għaddejjin minnha bħalissa. Kieku kellna
nitolbu lil Ġwanni jgħidilna x’jixtieq, tgħid x’kien jixtieqna
nagħmlulu din is-sena? Naħseb it-tweġiba li kien jagħtina
nistgħu neħduha mill-versi tal-Vanġelu ta’ San Ġwann,
“Jenħtieġ jikber hu u niċkien jiena” (Ġw. 3, 30). L-iskop
uniku tal-ħidma ta’ Ġwanni kien li jwassal lill-bnedmin
għand Kristu. Qatt ma fittex unuri għalih innifsu, l-ebda
popolarità iżda fittex biss li juri lill-poplu min hu tassew
Ġesù biex imur warajh. U żgur li din ukoll kienet tkun ixxewqa
tiegħu għalina llum.
Forsi ċ-ċirkustanzi li qed ngħixu fihom din is-sena, jistgħu
jgħinuna biex inħallu lil Ġwanni jressaqna aktar mis-soltu
lejn dak li għaliH wasal biex saħansitra ħa l-martirju. Filfesta
nieqsa tista’ tgħid mill-attivitajiet esterni kollha,
ejjew nirriflettu ftit fuq dak li jrid Ġwanni minna. Jekk
naqbdu ftit il-kelmiet tal-Fundatur tagħna San Ġorġ Preca,
jista’ jgħinna nifhmu dak li jixtieq jgħidilna Ġwanni.
F’wieħed mill-kotba tiegħu, Ir-Regoli tal-Qaddisin, San
Ġorġ Preca jsemmi diversi aspetti ‘regoli’ li l-qaddisin
semgħuhom u tgħallmuhom mill-Knisja. Fost dawn insibu
“Inżomm b’regola li nagħraf lil Kristu stess f’kull Nisrani,
anke li jkun ħażin u għalhekk naqdih minn qalbi”. Meta
jitkellem fuq din ‘ir-regola’, Dun Ġorġ jgħidilna li kien Kristu
stess li qalilna li kull opra tal-ħniena li aħna nagħmlu ma’
bniedem, jgħoddha magħmula miegħu nnifsu u jekk
inċaħħdu opra ta’ ħniena lill-bniedem, jgħoddha mċaħħda
lilu nniffsu. U jispiċċa l-ħsieb tiegħu billi jgħidilna li min
jagħmel ħniena ma’ bniedem huwa tassew ixxurtjat għallkbir
unur li jkollu fil-kuntatt tiegħu mal-persuna ta’ Kristu.
Ma jixbahx dan il-kliem lil dak li kien itenni Ġwanni lil-Lhud
li kienu jmorru jisimgħuh jgħidilhom biex jagħmlu karità
u juru ħniena ma’ dawk ta’ madwarhom?
Ejjew napprezzaw lil dawk ta’ madwarna. Ejjew niftħu
għajnejna u widnejna għall-ħtiġijiet tal-proxxmu tagħna.
Ejjew inħossu dak li qed jgħidilna s-skiet ta’ dawk li niltaqgħu
magħhom matul il-ġurnata tagħna. Ejjew permezz ta’ dawk
li jinsabu madwarna nħallu lil Ġwanni jressaqna dejjem aktar
qrib tal-Iben ta’ Alla li sar bniedem għalina.
Il-ħidma tagħna matul is-sena
Matul is-sena li għaddiet komplejna għaddejjin bil-ħidma
tagħna mat-tfal u l-adolexxenti li jattendu fil-qasam tagħna.
Minbarra l-laqgħat ta’ formazzjoni fil-klassijiet tagħna,
organizzajna wkoll diversi laqgħat u attivitajiet rikreattivi
anke flimkien ma’ oqsma oħrajn. Però kif tafu dawn
l-attivitajiet kellhom jitwaqqfu ħesrem bid-direttivi li ħarġu
marbuta mal-pandemija li ħarbtet ir-rutina mhux biss ta’
pajjiżna imma tad-dinja kollha. Matul dan iż-żmien l-uniku
mezz ta’ kuntatt kien permezz tal-midja soċjali fosthom
il-paġna tal-Facebook tal-Qasam tagħna. B’mod regolari
konna nibagħtu emejls maħruġa mis-Soċjetà b’tagħrif u
informazzjoni utli għall-użu tal-familji. Is-Soċjetà fetħet ukoll
YouTube Channel immirat li joffri materjal formattiv għat-tfal
u l-adolexxenti. L-adolexxenti minn Form 3 ’il fuq ġew offruti
l-opportunità li darba fil-ġimgħa jingħaqdu ma’ sħabhom
li jattendu fl-oqsma ta’ Għawdex għal-laqgħat onlajn.
Għamilna wkoll laqgħat onlajn oħra mat-tfal u l-adolexxenti
li jattendu fil-klassijiet tal-Qasam tagħna.
Iżda minkejja dan il-kuntatt virtwali nħarsu ’l quddiem u
nittamaw li bil-għajnuna ta’ Alla ma ndumux ma noħorġu
minn dan iż-żmien li għaddejjin minnu u mill-ġdid inkunu
nistgħu nerġgħu naraw l-Qasam tagħna mimli bit-tfal
u l-adolexxenti li jagħtu l-ħajja lil dan il-monument ħaj
li ħallielna l-Fundatur. Nittamaw li sa meta nerġgħu
niftħu l-bibien tagħna nkunu temmejna wkoll il-proġett
li ħabbarna s-sena li għaddiet u jkollna l-grawnd tagħna
bit-turf. B’hekk inkunu qed noffru post aktar attreanti u
adattat għall-istudenti tagħna.
Nawguraw li jkollna festa qaddisa li tassew tressaqna aktar
qrib ta’ Ġesù kif jixtieqna l-Patrun tagħna Ġwanni l-Battista.