63
ĦiDMet l-gĦaqDiet reliġJużi
AZZJONI KATTOLIKA
tereża Xuereb
L-Esperjenza Tiegħi
Fi Ħdan L-Azzjoni Kattolika
L-Azzjoni Kattolika għalqet 90 sena minn mindu
twaqqfet f’Malta. L-Azzjoni Kattolika fix-Xewkija
taf it-twaqqif tagħha sa minn qabel it-Tieni Gwerra
Dinjija għall-ħabta tal-1937 – 1938. Il-laqgħat kienu
jsiru jew fis-sagristija, jew fin-Nazzarenu – kappella
ħdejn il-knisja l-qadima li kellha titwaqqa’ biex tinbena
r-Rotunda.
Aktar ’il quddiem, fergħa oħra tan-nisa nfetħet fi blokk
tad-djar fil-Ħamrija, fejn kien hemm ħafna familji. F’dak
iż-żmien jien ġejt avviċinata biex nattendi, billi kont
noqgħod f’dawk l-inħawi. Minn dakinhar ’l hawn ma
ħaristx lura u għadni nattendi sal-lum fl-inħawi ta’ Ġokk.
Konna niltaqgħu ġol-garaxx ta’ Marija Grech, li offritulna
mingħajr ebda ħlas. Ġieli użajna wkoll xi garaxxijiet oħra
f’dawn in-naħat. L-Assistent Ekkleżjastiku kien Mons.
Ġorg Mercieca, li kien jiġi regolarment, ippreparat għal
dawn il-laqgħat.
grazzi għal dan it-tagħlim, stajt naffaċċja dawn iddiffikultajiet
u nieħu kollox minn idejn Alla.
Iktar tard fil-ħajja, ġie jżurni saram mhux żgħir. Il-prova
kienet kbira, imma ħassejtni bħal sur iffortifikat, mhux
ħajt se jaqa’ u ma jaqax. F’mumenti ta’ qtigħ il-qalb, kont
inħoss jidwi f’widnejja l-kliem tal-Vanġelu: “Tibżgħux,
huwa jien” u “Ejjew għandi intom li intom imħabbtin
u mtaqqlin u jien inserraħkom.”
Grazzi Mulej talli mxejt miegħi tul ħajti kollha, talli
stedintni biex nattendi l-laqgħat fi ħdan l-Azzjoni
Kattolika. Biex nurik apprezzament qed immexxi
siegħa adorazzjoni darba f’xahar, fl-inħawi ta’ Ġokk,
f’isem l-Azzjoni Kattolika. Hemm nitolbu għal kulħadd,
speċjalment għal din l-Għaqda qaddisa.
Nappella biex min jista’ jattendi, ma jibqax lura –
titilfux dan it-tagħlim sabiħ. Għandna diversi friegħi,
agħżlu waħda l-iktar adattata għalikom. Żgur li ma
jiddisjaċikomx. Ikun imfaħħar Ġesù Kristu.
Illum qed niltaqgħu f’Ta’ Ġokk, f’garaxx tal-knisja.
Jien presidenta tal-fergħa nisa li joqogħdu f’dawn
l-inħawi. L-Assistent Ekkleżjastiku hu Dun Ġwann Mizzi
li jagħmel ħiltu kollha biex iwasslilna t-tagħlim meħud
mill-Vanġelu u tagħlim ieħor li jista’ jkun ta’ ġid.
It-tagħlim li ħadt minn din l-Għaqda għinni f’kull fażi ta’
ħajti, bl-inżul u t-tlajja’ tagħha. Dan it-tagħlim sawwarni,
naġarni u qawwieni waqt il-problemi li kelli nħabbat
wiċċi magħhom tul il-ħajja tiegħi. Kontinwament, kont
qed nieħu formazzjoni tajba biex flimkien ma’ żewġi
nrabbi ’l uliedna b’valuri sodi mnebbħa mill-Kelma ta’
Alla. Is-slaleb u l-problemi fil-ħajja ma jonqsux, imma
L-Arċipriet
flimkien mal-Kleru kollu
jixtieq jawgura l-festa t-tajba
lix-Xewkin kollha.